率先獲前妻法拉報婚訊薛世恆：佢話唔想我睇報紙先知

更新時間：17:37 2019-05-14
發佈時間：15:25 2019-05-14

薛世恆以星級電競大使身份出席廣告片首播會，片中薛世恆躺在床上流下男兒眼淚。他坦言過去5、6年也好少喊，所以也擔心拍落淚鏡頭，事前看跟家人合照就自然流出眼淚。
6年前跟陳法拉離婚，問分手時可有流淚？薛世恆說：「細個拍拖分手會好傷心，唔知點形容！大個就好啲，做人見多咗，但值得珍惜同家人。（與法拉離婚有冇喊？）你信唔信呀？只可以係一個人生經歷，分手後都是朋友。」對法拉與法籍男友結婚，他直言前妻有跟他透露有這個計劃，但沒有講清楚時間，他亦沒有問。可有跟法拉見面？他說：「好幾年前，間中會聯絡，上次她跟我講不希望我睇報紙先知她結婚，但我戥她開心；衷心祝福。」
提到弟婦諸葛紫岐再度生B，何時才輪到他再婚？薛世恆說：「我都唔想做伯伯，但又要做，BB好得意，但不敢抱驚整親。」對弟婦被指未見肚便產子，他說1月時見過對方，農曆年大家也不在港。
至於被影到黃百鳴長女黃漪鈞結伴睇戲，薛世恆表示並非拍拖，只是在電影上有合作而已，自言不心急拍拖，反而父母心急。