【改咗中文名喇】爆兩周大囝囝勁扭抱　陳山聰：佢一喊我就心軟

更新時間：17:20 2020-07-15
發佈時間：19:00 2020-07-15

適逢Jaco已達12朝，山聰今日便派薑醋給傳媒，分享喜悅。

陳山聰太太楊渡萍（Apple）於本月1日剖腹誕下兒子Jaco，今日回電視城拍攝新劇《超能使者》時，適逢Jaco已達12朝，山聰便向傳媒派發薑醋，分享喜悅。問到是否已習慣照顧兒子？山聰坦言沒有習慣不習慣，因最近忙於拍劇，往往都是天光才回家，他說：「因為疫情再次嚴峻，自己返屋企前會沖個涼、洗個頭，感覺會好一啲。太太都幫我執咗個『走佬袋』，入面有衫、毛巾、拖鞋同埋沖涼用品。」

山聰太太楊渡萍於本月1日剖腹誕下兒子Jaco。

山聰透露最近每日只見到兒子一個小時，雖然太太和陪月姐姐都表示囝囝算易湊，但現時卻非常扭抱，被問到可有寵壞BB？他笑道：「咁我又見得佢少，佢喊我就會心軟。（囝囝已改中文名字？）叫『陳霆軒』，我自己好喜歡個『軒』字。好耐之前有諗過，第時有小朋友幫佢改名要個『軒』。有個長輩幫手改名，佢識少少風水命理，咁啱俾我揀就係有個『軒』字。」