【識貨】路芙自揭3年冇工開何遠東被陳自瑤搞喊

更新時間：17:58 2021-06-30
發佈時間：14:22 2021-06-30

路芙落力推介產品，最終逃不了被淘汰命運。

TVB真人競技綜藝Show《識貨》昨 (29日) 晚播出的一集總共淘汰4名藝人，包括路芙、何遠東，以及踢館的丁子朗及郭子豪，留下來的4位「見習主播」陳嘉佳、陳自瑤、黎諾懿、黃頌明則成功晉身準決賽。

路芙與東東由於一直表現出色，故當主持鄭裕玲宣布二人被淘汰時，現場眾人表現愕然。在全場掌聲下離場的路芙，大灑洋蔥自揭3年沒工開，並勉勵同樣前路茫茫的同行，說：「我哋嚟學做生意，其實係畀自己一條生路行，實際上我過去3年真係冇嘢做，真係冇搞作，自己又做剪片又寫網站又帶貨。真係要畀啲機會突然冇嘢做嘅藝人，呢個（學做帶貨）就係一個出路。大家唔好再話等疫情完咗我又有嘢拍喇，真係唔好諗喇，因為有排都諗唔到，不如踏實啲去做呢件事。」同場的子豪聽到路芙一番肺腑之言時不無感動，更坦承有所反思：「我有啲感動，我覺得自己身在福中要知福，我喺TVB有得拍劇又有得拍綜藝，真係好幸福，要好好珍惜。」

何遠東可惜未能與好友陳嘉佳齊齊晉身準決賽。

陳自瑤對東東表現依依不捨。

路芙在節目播出後，於社交網上載自己的演出片段，並感性留言謂：「過去兩、三年時間真係好難行，好在仲有幾位好朋友同埋我嘅信仰（畀到我）最大堅持，當然家人係一個最重要嘅愛護；大家作為藝人疫情令到自己冇工作做，千祈唔好灰心，盡量學習多啲市面上需要嘅技能，咁就能夠有機會扭轉自己個局勢。」
至於向來予人開心果形象的東東，離別一刻亦不忘感性謂：「大家唔使咁Sad㗎，我覺得嚟到今日已經好精彩，我哋每一個都成長同學習緊。」事後他提及陳自瑤在他離開錄影廠時衝出來送上擁抱以表不捨時，他亦差點流下男兒淚：「Yo仔唔捨得我走，但我必須要走，我再留低眼淚會流出嚟。」