【獨家】王梓軒邀上《演鬥聽》追問整容傳聞 胡鴻鈞以創作歌《刀削面》回應
更新時間:18:19 2021-09-11
發佈時間:17:30 2021-09-11
發佈時間:17:30 2021-09-11
Hubert坦言:「嘉賓要攞最有話題性嘅題材做主題,所以某程度上,都係要誠實面對自己,更要豁達將一啲別人眼中未必係最好嘅新聞,透過創作同大家分享,我覺得幾有意思又好聽,其實我之前隻歌《整親》,某程度上都圍繞呢個主題,每個人都會遇到啲負面新聞,希望大家唔好放大呢啲聲音,繼續為追求理想努力。今次嚟到呢個環節,我攞返自己最多人討論嘅話題,希望透過今次新嘅音樂模式,用一個比較funny嘅方式表達出來,最緊要好玩。」
問王梓軒要Hubert以《刀削面》創作,怕唔怕對方嬲?梓軒話:「我唔驚!反而戥佢開心,因為嚟《演鬥聽》最好玩嘅,就係歌手可以用同我哋一齊創作嘅歌曲去回應負評,今次講『刀削面』,表面上可能會覺得好尷尬,(會唔會令佢難堪?)其實係佢自己攞出嚟,呢個topic佢平時唔會用把口回應,可能佢覺得冇需要,但答案其實已經寫咗喺首歌入面,亦好好聽,我哋希望將花邊新聞變成藝術、音樂。」梓軒補充說:「Hubert同鄭俊弘上嚟之前做好晒心理準備,都知我哋會攞佢身上面一啲素材嚟做歌,我哋從來都唔會逼人去講任何一啲嘢,佢覺得呢個係一個好好發揮嘅題材,我哋咪去配合。」
最Hit
深圳紅葉2024|北上睇落羽松7大好去處!童話森林賞楓秘景/深圳版瑞士 附交通方式
2024-10-21 08:00
陳豪咖啡店旺丁旺財 店舖主調選對大旺顏色 師傅都讚「完美循環 客人感舒適」
2024-10-20 06:00