葉文輝婚後5年心思思想生B 黃婉曼炮製補腎壯陽菜式迎賓

更新時間：15:53 2021-10-29
發佈時間：20:30 2021-10-29

啤梨和懷鈺上黃婉曼的網上節目。

黃婉曼（Icy）昨晚邀請了「啤梨」葉文輝和好友懷鈺到「安品．生活」做fb live，兩女催促已婚5年的啤梨快快加入父母行列，她們甚至給啤梨提供生B貼士。Icy不但炮製了滋補壯陽的花膠和海參歡迎嘉賓，還用有補腎壯陽功效的韭菜給啤梨炒蛋，啤梨搞笑說：「太壯喇，好誇張。出街辛苦啲，驚畀其他男人見到，我就要着闊褲。」啤梨即被取笑回應好「鹹濕」。

黃婉曼用有補腎壯陽功效的韭菜給啤梨炒蛋。

啤梨笑言飲得太多補湯，擔心要經常着闊褲。

問到啤梨為何至今仍未生B？他說：「婚後一直以嚟都想生，不過疫情呢兩年，困住冇得出街，感到生活有壓力。但最近又有唔同諗法，見到朋友啲細路仔，又好想有個小啤梨，呢個感覺好強烈。」啤梨表示太太工作忙也沒時間生B，「我哋有溝通，每次見佢都好攰，佢好鍾意返工。」Icy就建議女方不妨留意排卵期，比較容易受孕，啤梨竟反問：「乜嘢係排卵期？」Icy和懷鈺就解釋是女性生理周期，他才恍然大悟。她們也分享吃不同酸鹼性食物有機會影響BB性別，還叫啤梨參考清宮圖，恨生B的他會全作參考。

此外，早年曾做歌手的啤梨活躍樂壇，但近年唱片巿道欠佳，他說：「心態唔同咗，以前幸運有公司幫助，而家出唱片好難，又冇公司，結婚後就將唱歌當興趣，之前都有出歌。」