港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】曾被數臭搶人老公　黃宇詩同男友返愛巢食韓燒

即時娛樂

更新時間：10:23 2020-11-06
發佈時間：23:30 2020-11-05

黃宇詩與男友Peter到禮頓中心超市買調味料，準備返屋企食韓燒。

已故鬼才黄霑的44歲女兒黃宇詩，早年被爆跟人夫彭慶餘（Peter）玩地下情，至2014年才公開認戀恢復單身的 Peter。兩人拍拖7年多以來，感情都十分穩定，早前疫情嚴重，兩人都減少出街食飯，多留家中玩煮飯仔，雖然近日疫情終於緩和，但黃宇詩都唔幫襯餐廳，日前就同男友落銅鑼灣一超市買啤酒、調味料，然後火速回家食Homemade韓式烤肉！採訪：梁志明

黃宇詩與Peter於日前晚上現身銅鑼灣街頭，拎住手機的她估計正搵路去超市。

「師奶仔」黃宇詩負責格價、揀嘢食，跟得男友就全程在旁陪逛。

黃宇詩早年淡出幕前轉戰賣內衣，2011年驚爆搭上測量公司董事兼人夫彭慶餘，雖然當時她表示會跟對方斷絕關係，但3年後二人再被影到拍拖睇戲，黃宇詩才終認戀失婚男兩年，又強調跟Peter開始發展時，對方已回復單身，惟Peter前妻陳小姐後來於無綫節目《關你家事》中，數臭「小三」黃宇詩不擇手段搶人夫！

最後兩人掃了些韓式烤肉醬、豉油和啤酒，全數由Peter埋單。

步行回家時，Peter右手拎住大袋嘢，左手搭實黃宇詩膊頭，好恩愛。

玩煮飯仔
事過境遷，黃宇詩與Peter相戀至今7年多，感情穩定，去年底她向傳媒表示：「最難捱已經過咗，我哋交往、相處好舒服。」雖然明言未有結婚念頭，但他們早已像老夫老妻一起生活，早前二人又拍住拖到銅鑼灣買嘢。當晚8時許，戴上口罩的黃宇詩拎住手機在街頭Search嘢，未幾在其一聲令下，Peter便緊隨女友腳步往禮頓中心出發，兩人主要在超市睇調味料，結果逗留約半個鐘，「彭師奶」掃了幾樽韓式烤肉醬、豉油和啤酒，男友就負責畀錢同拎嘢，最後Peter搭實黃宇詩膊頭雙雙步行回寓所，估計當晚他們食自家製韓式烤肉！