【頭條獨家】《疫後冲遊》冬蔭妹繼續晒身材 胡慧冲烈日下拍攝曬燶腳
更新時間：00:15 2021-05-07
發佈時間：22:17 2021-05-06
發佈時間：22:17 2021-05-06
字體大小
因為拍攝時正值喺疫情緩和時候，跟現況有啲出入，胡慧冲笑說：「唔緊要啦，睇咗當去咗！」他又透露樣靚身材正嘅冬蔭妹，今次再玩盡啲，唔止喺酒店暢泳，仲會扮醜樣、用廣東話跟他互寸，好有火花：「自從拍完比較嚴肅嘅節目《你還好嗎？》後，我患咗『對白NG症』，呢個症狀帶埋嚟呢個節目度，尤其同冬蔭妹一人一句講廣東話，第一集開頭NG咗接近100次。」問到係咪畀冬蔭妹噴血身材影響分咗心？他笑住否認：「唔會喇！我喺現場要兼顧咁多嘢，點會𥄫佢身材呀！而且合作咗六輯，冇呢啲諗頭。」不過，Roger今次對自己要求多咗，仲拍到曬燶咗雙腳，更因頻頻出入一冷一熱地方搞到病咗3次：「疫情下唔知幾時通到關，但最重要觀眾睇得開心，尤其𠵱家TVB綜藝節目由『掌門人』曾志偉揸fit，佢最鍾意娛樂同歡笑，將旅遊節目搞得開開心心咪好囉。」
