謝安琪跑步貪靚戴粉紅大口罩襯衫網民憂增感染風險勸喻小心

更新時間：02:30 2022-03-02 HKT
發佈時間：02:30 2022-03-02 HKT

自第5波疫情爆發後，政府推出一波接一波新措施抗疫，對市民日常規範不斷增加，早前便將戶外做運動不需戴口罩措施收緊，改為戶外運動也要戴口罩，令不少愛跑步人士有所卻步。謝安琪（Kay）卻沒有怕，更在3月的第一天試試戴上口罩跑步，做運動順道修身。她上載自拍照及數張跑步時沿途拍下的風光相，戴上大大個粉紅色口罩的她，在自己屋苑外影低起步時的情景。

謝安琪解釋戴咗兩個口罩，所以好安全。

天氣好好最啱跑步。

不過Kay的照片卻引來網民擔心，指她的口罩太大，在疫情下容易受到病毒感染：「口罩太大啦！帶（戴）會fit面型口罩，小心呀！」、「要買番啲160cm嘅女士口罩喇，太大唔安全呀！」見到大家對自己的擔心，Kay連忙留言解釋：「對唔住，今朝早突然貪靚想戴一個粉紅色口罩襯衫去跑步，點知，唔知係咪我塊面太細或者粉紅色口罩太大，令大家擔心夠唔夠安全，貪靚但係滑稽咗，真係唔好意思！其實裏面仲戴咗一個貼面嘅，請大家放心，多謝大家提點同埋關心。」雖然她已解釋是戴上兩個口罩，但也有網民寸她：「扮晒嘢讚自己面細」、「張師奶你帶兩個口罩跑步會唔會抖唔到氣？」