超能使者｜張美妮遭連摑十巴爆SEED殺死魯振順一集三人輪住喊好感動

更新時間：15:11 2022-11-11
發佈時間：15:11 2022-11-11

無綫55周年台慶劇《超能使者》第9集，張美妮飾演的Elaine突然爆發，展露真面目先後害死鳴善左右護法，繼而踩場以刀襲擊兼喪踢鳴善（魯振順飾），雖然一開始張美妮有持利器的優勢，但最後竟然被魯振順反過來制服，更向張美妮連摑十巴至鴛鴦面！入行23年的張美妮今次為《超能》獻出兩大第一次，一個是殺人、另一個是被摑！美妮坦言角色既吸引又大挑戰，並謂當日被對手魯振順摑足10巴很難忘：「以前未試過拍被摑戲，因為真係大大力咁摑落嚟，所以都有啲痛，同埋塊面腫晒同紅晒。我最怕唔係痛，而係面腫咗會唔靚。所以拍完之後都冰敷咗成個鐘消腫，務求唔會變鴛鴦面。」

【點擊睇張美妮演出以及一集三人連環爆喊】：

除此之外，第9集還一連上演三場喊戲，當中包括飾演母子的馮素波以及沈震軒，二人因為冰釋前嫌而相擁嚎啕大哭，沈震軒更透露拍攝時為了精益求精，當日即使大部份人收貨，他仍堅持拍多幾Take，他說：「最困難係大部分演員都喺晒現場，所以要好專注先投入到嗰個氛圍。」

而最後有劉穎鏇憶劇中亡夫而感觸落淚，今集可謂血與淚都出齊！

【其他文章】：

東張西望｜疑吞中風女兒保險金母上鏡對質稱冇責任照顧個女：佢冇錢咩

方太年輕性感照再瘋傳著低胸背心抱B手臂零贅肉網民讚靚女

四大天王再現身台慶？傳呢位將成今年嘉賓表演細節好神秘

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ