容祖兒公開獨門養生秘訣靠媽媽幫拖 孝順女每逢母親節必做一事 七月兌現承諾開33場騷
發佈時間：17:50 2023-05-12
百年香港中成藥品牌近日邀得樂壇天后容祖兒（Joey）為皇牌產品擔任星級代言人，日前容祖兒化身健康大使拍攝廣告，期間大方分享獨門養生秘訣，又透露全靠容媽媽一雙巧手超前部署，為她儲備健康資產，迎接人生黃金期。容祖兒對於是次代言表示：「我對於代言產品好有要求，每一次都會親身試用，今次試完呢個保健品，發現身體有明顯改善，無咁容易攰同病，所以我覺得值得推介畀大家；另外，品牌同我有個共通點，就係『歷史悠久』，但係仍然喜歡破舊立新，因而促成今次合作；我亦希望透過自身分享，鼓勵大家關注健康。」
【相關閱讀】：周董星爺「雙周合體」歎靚酒傾合作 容祖兒阿Sa入場朝聖被讚年輕
【點擊睇容祖兒與媽媽合照】：
疫情放緩，容祖兒回歸空中飛人生活，加上早前忙於籌備《Eternity 容祖兒演唱會》，可謂忙上加忙！不過容祖兒仍然元氣滿滿，她笑言保養秘笈相當簡單：「做運動之餘亦要配合飲食，我哋成日都話『You are what you eat』（人如其食），所以一定要食一啲對身體有益嘅產品；另外，我最鍾意飲薏米水，因為可以去水腫。」提到鼻敏感成為現代人的文明病，尤其季節交替最易發病，容祖兒表示全賴「私家看護」——容媽媽貼身照顧，助她時刻保持最佳狀態：「轉天氣、或者空氣污濁，我先會出現流鼻水同鼻敏感症狀，所以我嘅身體都算唔錯！全靠媽咪幫手，因為佢咁多年嚟都會燉冬蟲草同舞茸畀我食，令到我嘅身體好似儲錢咁，不知不覺間累積咗好多抵抗力。」
臨近母親節，孝順女容祖兒雖然注重儀式感，但更想以行動慰勞容媽媽：「媽咪同我好似，我哋唔係過時過節就要送大禮嘅人，不過每一年我都會送花畀佢，因為我覺得無女人唔鍾意收花，哈哈！其實唔只母親節，我希望媽咪每一日都有強健體魄，因為我依家會喺唔同嘅地方開騷，好想佢可以親眼見證，所以一定要身體健康！比起買靚衫畀佢，我更著重佢嘅健康同埋抵抗力，亦都會喺呢方面花心思。」
暌違六年，容祖兒將於七月回歸香港演藝學院舉行33場演唱會，談到與樂迷的「秘密約會」，容祖兒表現相當興奮：「好開心我嘅演出可以分成兩個不同系列，分別係紅館同埋2017年開發嘅『Secret Live』，後者同觀眾嘅距離更加近，我亦都會獻唱一啲Side track歌曲，但係反應一樣好好！所以咁多年嚟都有朋友問我會唔會舉行Part 2，我都考慮咗一段時間，覺得今年係一個幾好嘅時機，可以同我嘅歌迷進行秘密約會。」
【其他文章】：
嚴選7位新冒起靚爆星二代！前亞姐15歲女最有潛力撼贏沈月 兩位前TVB花旦囡囡美貌驚人
吳業坤貼一相竟激嬲鏡粉？泥鯭寸姜濤戰火蔓延 Ben Sir疑搭嘴都「中槍」
曹敏寶流出朱智賢謝東閔親密照遭詐型 離奇被開火9字鬧爆嚇親閨密
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
