張致恒老婆雯雯疑陀第四胎！ 自爆即將做手術隨時被上天帶走
發佈時間：14:47 2023-07-11
現年38歲的張致恒2019年與粉絲區燕雯（雯雯）奉子成婚，三年抱三誕三名兒子，最近竟疑似再添丁？與張致恒經常鬧婚變，被戲稱為「離婚界KOL」的雯雯不時在社交網放負鬧爆老公「又廢又懶」，不過她近日卻有一個重要決定，就是在IG寫上千字文告別，並隨即不再公開帳號。
【相關閱讀】：張致恒終向現實低頭肯開工？雯雯一個原因依然鬧爆老公
【點擊睇雯雯疑自爆陀第四胎】：
早前張致恒被發現在天水圍一間小食店打工，之後被雯雯出Po鬧爆已為他找到工作，卻要受他氣及面色難看。事隔幾天，雯雯卻決定停用這個經常數臭老公的帳號，並寫下長文指這幾年的心路歷程，並指今次是最後一篇帖文作為一個總結。她表示真的沒有人想公開私事讓外人討論及嘲笑：「一來我冇乜朋友，冇乜傾訴嘅對象，所以就換來喺平台發洩，再加上我心底裏的確係有一種唔好嘅心態，我會覺得你（張致恒）可以對住其他嘅女性去數我，咁點解我唔可以公開我嘅情緒同不滿。」雯雯透露已和張致恒坐下來冷靜傾談，雖然不知道關係能否修補，但相信兩人都要時間走下去。
於囝囝面前情緒失控
雯雯更指隨着大仔開始長大：「每當我大喊情緒失控嘅時候，佢會好擔心，同表現出好唔開心。」所以她才開始作出轉變。隨即雯雯自爆將會做手術：「再加上自己身體同你緊（嚟梗）要面對嘅手術，的確好驚，好怕個風險，上天要帶我走。」更暗示手術會有死亡風險，不過令她頓悟：「好好珍惜同家人嘅時間，仲（總）好過喺度發癲，日日喺度鬧都根本改變唔到好多嘢，亦都冇幫助。」
雯雯接下來更疑似自爆再陀第四胎：「接下來……既然上天再一次畀咁樣嘅安排我，我就應該好好計劃，靠自己去照顧好上天畀嘅每一份禮物。再一次負起呢個責任，迎接呢份禮物同安排，無謂再去浪費氣力，同時間只係喺度發洩同埋鬧。」雯雯在文中提到「上天再一次畀咁樣嘅安排」，又表示要好好靠自己照顧「上天畀嘅每一份禮物」，又指要「迎接呢份禮物」，引起不少網民推測雯雯正在陀第四胎！
近年張致恒與雯雯屢傳婚變，去年1月雯雯突然在IG單方面宣佈離婚，不過相隔不到一個月竟然宣佈陀第三胎，同年5月底誕下三仔張天朗。不過雯雯自去年中開始，又再多次於IG數臭老公張致恒，怒轟對方「又廢又懶」，不願意照顧小朋友，又不拿錢回家；更曾大呻小朋友因為沒錢搭車而未能上學。由於兩人多次鬧婚變又未有離婚，更被網民封為「婚變KOL」。
【其他文章】：
張致恒終於蒲頭！夫妻疑似又和好？ 凌晨被叫整湯圓再Like老婆雯雯短片
雯雯再轟張致恒不負責任每日食屙瞓 被老公逼癲：一毫子都冇拎過出嚟
雯雯現經濟危機食撈麵度日？ 曝光每月支出金額鬧爆老公張致恒賴死
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
