香港小姐2023丨2號黃泳嘉吹牧童笛變魔音彈出曾自爆是「單親媽咪」

更新時間：11:00 2023-08-07
發佈時間：11:00 2023-08-07

香港小姐2023／2023香港小姐競選／2號黃泳嘉丨《2023香港小姐競選》總決賽於8月27日舉行，現年22歲的2號佳麗黃泳嘉（Jessica）在社交網自我介紹中自稱「Single Mom」惹揣測，以為她是首位有子女仍能參選的佳麗。黃泳嘉本來已是網傳亞軍之選，早前她更因吹牧童笛變魔音成功彈出，人氣強勁。

【點擊睇應屆港姐2號黃泳嘉美照】：

香港出生、加拿大讀書，今年22歲，身高有169cm的黃泳嘉參選以來一直低調，其社交平台都只是在加拿大蒙特利爾麥基爾大學留學時期的生活照，但在自我介紹一欄，竟然自爆是「單親媽媽」，寫上「Single mom, no kids（單親媽媽，沒有小孩）」來形容自己，一度惹起揣測。她其後在娛樂新聞台開腔回應事件時解釋：「我唔知廣東話有冇呢句說話，我嗰時喺加拿大有樣嘢叫Mom Friend，通常指好鍾意照顧人嘅朋友。我喺加拿大嗰時住寄宿學校，我係好照顧啲同學，佢哋個個都話我係媽咪，呢個（自我介紹）只係Inside Joke。」

她又自爆手袋是百寶袋：「我會帶好多食物、膠布、紙巾、毛巾等等咩都有，如果有人有嘢要，我一定有喺手，所以好似媽咪咁。」看來她大有機會成為今屆「友誼小姐」，而在之前有網民發現維基百科出現了疑似賽果名單，名單上清楚列明各個獎項的奪獎佳麗，更聲稱黃泳嘉會奪亞軍，但現時此「結果」已刪除，而名單上有些佳麗更早已被淘汰。

黃泳嘉被阿Bob點名做示範爆喊

雖然她很擅長照顧別人，但卻未必識處理好情緒，在早前的《2023香港小姐競選終極面試》，林盛斌和馮盈盈擔任口才訓練導師，黃泳嘉被點名做示範，怎料她緊張到爆喊，令其他佳麗都忍不住落淚，眾人摟作一團互相安慰。她受訪時直認有少許緊張，除了因為壓力超出預期，訓練時亦感到不習慣。她又向評判表示覺得自己不夠好看，樂易玲在節目中安慰她指其實其牙齒很好看，又提醒她不要經常用頭髮擋住眼睛，她當時回應：「頭髮唔鍾意聽話。」樂小姐則笑稱：「頭髮唔聽話啫，個人聽話咪得囉。」