星8卦｜「惡死」為錢嫁「青梅」 泰國包養囝囝慰藉芳心
更新時間：11:00 2023-09-19
發佈時間：11:00 2023-09-19
發佈時間：11:00 2023-09-19
字體大小
呢一年「惡死」成日唔喺香港，次次去嘅地方都好神秘，不過身邊嘅人都知佢只係去泰國。「惡死」呢世啲感情生活都好精彩，最初一直都係同啲哥哥仔玩埋一堆，對「浪子」一直情深，奈何對方唔鍾意異性，搞咗好耐至知道真相。
「惡死」因為咁自暴自棄咗一輪，俾「阿姐」睇上，兩個人都開心咗一輪，因為「阿姐」好鬼遷就佢，又教佢投資之道。可惜唔係嗰種人就無辦法逼自己，「惡死」提出分手，「阿姐」初時死都唔肯，「惡死」老竇唯有出絕招，要佢嫁畀「青梅」幫自己嘅生意。
兩個無感情嘅人一齊梗係唔幸福，尤其「青梅」係個大滾友，婚後完全唔畀面，成日包三奶、四奶畀人知，「惡死」都叫有頭有面，但老竇為咗錢完全唔理阿女幸福，要佢忍落去。而家「惡死」話之你死，三五日就飛一次泰國，喺嗰邊有兩個靚囝囝服侍，當自己係皇后咁，不過礙於面子，佢係非常低調，而且遠離遊客區開心，費事俾人知道影響家族聲譽。
【相關文章】：
星8卦｜「皇帝」「沙聲」入戲深愛得真 老婆開綠燈三人行止流言
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
