鍾慧冰大爆港姐亞姐評分準則！利智迷到倪匡亂評分令亞視頭痕揭一類人難做港姐冠軍

更新時間：11:00 2023-10-07
發佈時間：11:00 2023-10-07

1979年香港小姐季軍鍾慧冰近來開設YouTube頻道分享往事，她先以「過來人」身份大談與選美相關的舊聞。日前鍾慧冰上載新片，大爆香港小姐及亞洲小姐的評分準則，指當年倪匡為1986年亞洲小姐競選決賽做評判，因過份偏心利智而令亞視更改評分準則，更分享香港小姐中有一類佳麗特別難成為冠軍。

【點擊睇鍾慧冰談港姐亞姐】：

鍾慧冰分享她與1979年港姐評判的故事，當年的評判包括：主評判祈德尊爵士、霍震霆、廖本懷、胡應湘夫人、余陳耐梅。鍾慧冰指當年60位佳麗一同在電視台首次見5位評判，第二次再見評判已選出了30位佳麗，大家要跟評判聊天，前TVB大股東余經緯太太余陳耐梅突然向鍾慧冰說西班牙文，幸好鍾慧冰處變不驚，即時流利回答余陳耐梅，原來余陳耐梅早已看過鍾慧冰在表格上填寫懂西班牙文，曾在美國留學時學了4年西班牙文的鍾慧冰笑言因想「曬冷」而寫在表格上。鍾慧冰多年後在一個公開場合遇上余陳耐梅，對方指當年有兩位佳麗填寫了識西班牙文，她向兩位均有考驗西班牙文，而鍾慧冰是唯一懂得回答的佳麗，鍾慧冰得到余陳耐梅讚賞都感到好開心，而她亦認為當時胡應湘夫人應該是給她最高分數的評判。

港姐冠軍通常都唔係最靚？

外界不少人都認為，港姐冠軍通常都不是最靚，而據鍾慧冰的觀察，她指：「通常都係四平八隱、大大方方、好端莊嘅，因為啲評判多數以一個揀新抱眼光去揀選美佳麗。所以逢太性感、妖艷、好有媚態，好似李美鳳咁，我哋覺得佢好靚，但通常都唔會係冠軍。通常冠軍人選都係似楊寶玲，即係我呢啲比較端莊啲，就會得獎。」

倪匡被利智迷到神魂顛倒？

利智是1986年亞洲小姐競選冠軍，當年評判之一的才子倪匡曾公開表示：「我今年50歲，她是我50年以來見過最美的女人，如果冠軍不是她，我把電視台燒了！」而鍾慧冰亦大爆當年倪匡評分時給利智滿分，她表示：「有啲評判可以好偏心，我舉例倪匡，當年佢見到利智驚為天人，佢覺得靚到不得了，加上大家都講上海話，聽聞佢畀分係所有女仔都係零分，得利智畀100分。搞到選舉委員會睇到暈咗，因為個比例拉扯太大喇！」因此後來鍾慧冰聽說亞視改了評分準則，由吳綺莉那屆開始工作人員佔40%，評判佔60%，「工作人員畀分我覺得好奇怪，因為啲工作人員同啲佳麗日夜相對，如果個佳麗態度唔好，遲到又散慢，可能會對佢不滿畀低啲分。」