鍾慧冰自揭患血管炎險死經歷！兩徵狀以為中風 入私家醫院樣樣講錢：感覺差
發佈時間：19:00 2023-10-14
66歲鍾慧冰早前開設YouTube頻道分享往事，日前鍾慧冰上載新片，講述2016年患血管炎險死的經歷，期間更多次哽咽。鍾慧冰除了分享到血管炎的徵狀及病發時的狀況，更談到入住私家醫院令當時身為病人的她感覺非常差：「我以為自己去咗大陸醫院。」
【相關閱讀】：鍾慧冰大爆港姐亞姐評分準則！利智迷到倪匡亂評分令亞視頭痕 揭一類人難做港姐冠軍
【點擊睇鍾慧冰談患血管炎險死】：
鍾慧冰2016年突然因免疫系統問題患上脈管炎，即全身血管發炎，鍾慧冰曾受訪表示手腳無力猶如癱瘓，連如廁及剪腳甲都要人幫忙，更因服食了大量類固醇而令面容腫脹，對外形失去信心而不敢見人，一度想過跳樓自殺。當時鍾慧冰幸得女兒、男友及好友林建明悉心照顧，慢慢康復亦走出陰霾。
鍾慧冰腳部無力在家跌倒
鍾慧冰2016年時迎來長假期，本來計劃聖誕節上郵輪度假。不過起程前有晚鍾慧冰在家中坐在地上研究新買的電腦，鍾慧冰開始感覺到身體不妥，她表示：「搞到兩、三點，我覺得好攰，同埋覺得隻腳好麻痺，有少少痛，好似啲神經壓住好耐……有啲痺咁！」鍾慧冰於是起身回房睡覺，走路時都感到有少許痛楚，本以為是麻痺而引起的微痛，因此沒有太在意就回房休息。翌日鍾慧冰早上起床欲如廁，鍾慧冰感到腳部無力：「我隻右腳一掂地，我就跌倒喇，就瞓咗喺地，隻腳完全無力。」鍾慧冰當下感到害怕，又完全不能站起來，以為自己中風，於是大叫傭人幫助，由救護車送院。
【點擊睇更多鍾慧冰舊照】：
鍾慧冰被病友舉動嚇窒
鍾慧冰被送到公立醫院，在急症室等待期間，連手部都開始麻痺疼痛，感覺似被電擊。鍾慧冰即向醫護人員求救，醫護人員初步認為鍾慧冰有機會是中風，由於該公立醫院設備不足，鍾慧冰被安排轉院再作檢查。鍾慧冰轉院後被安排入腦科病房，做了很多檢查如照CT電腦掃描，等待期間被身旁病友舉動嚇怕：「左邊就有個婆婆，佢係咁講『冚家X、冇藥食、畀咗錢都冇藥食』，我個身好痛，但我不停聽佢講粗口，我望一望佢，七、八十歲都好慘。跟住望望右邊，有個後生女又不停搖個頭，我好難過，又覺得自己點解會咁，呢個咩地方嚟？」鍾慧冰後來思考，因為該病房住的都是患腦科疾病的病人，行為可能受病痛影響，但鍾慧冰當時身體出現問題，更處身於負能量太多的地方，情緒難免受影響，後來慢慢習慣。
鍾慧冰出院後再出現狀況
鍾慧冰在醫院內遇到之前醫治她類風濕病症的醫生，對方診斷她患血管炎，要用大劑量藥物醫治，而藥物包含類固醇，之後再做檢查。留醫一周出院，約兩周後，有日鍾慧冰發現左腳突然「噔」一聲，腳趾亦開始麻痺，跟上次右腳的狀況相似，鍾慧冰即時決定入院檢查，這次選擇到私家醫院。
鍾慧冰住私家醫院感覺不良好
鍾慧冰指起初入到私家醫院環境好好，而且醫護人員外形亮麗，有部份醫生護士更十足韓星。鍾慧冰雖然之前在公立醫院已做過檢查，但在私家醫院亦再度被安排做掃瞄，鍾慧冰亦聽從指示，當鍾慧冰躺在掃瞄儀器內，掃瞄完成後，鍾慧冰聽到護士表示：「『醫生話我哋睇得唔係好清楚，咁就要落啲顯影劑，慧冰？7千蚊有冇問題呀咁？』，我當時個感覺好差，我已經瞓咗喺呢個窿度，你突然同我講7千蚊，我突然下意識反應『我係咪喺大陸呀、我而家係咪喺大陸醫院呀』，咁我話『你覺得要做咁就做啦』，感覺唔係幾好囉！之後每次佢哋同我傾偈，用任何物件，佢都提我幾多錢先，但個感覺就好唔良好囉！」鍾慧冰最後同樣被診斷患血管炎，鍾慧冰知道需長時間治療，於是選擇回到公立醫院求醫。
【其他文章】：
鍾慧冰哽咽自揭遭性騷擾！稱前港姐冠軍鄭文雅因飯局離巢：有啲男人好過份
前港姐鍾慧冰婚後老公出軌離婚 金融海嘯輸身家再患病險癱瘓曾想尋死
1979年港姐近況曝光 鍾慧冰仍活躍娛圈求聚會 有人成為史上票房榜首演員
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
