韓子亮疑自殺丨曾與ERROR吳保錡情同兄弟！因「搶咪事件」反目曾轟舊友是「港版吳亦凡」

即時娛樂

更新時間：21:15 2023-11-05
發佈時間：21:15 2023-11-05

31歲歌手韓子亮今日（5日）驚爆因服食過量藥物被送院搶救，據其身邊友人透露，最近陷抑鬱的他疑為情自尋短見，目前情況暫時穩定。韓子亮入行10年來鬧出不少是非，其中與ERROR成員吳保錡更因「搶咪事件」，導致兩兄弟反面收場。

【相關閱讀】：韓子亮疑自殺丨去年吐血昏迷否認輕生韓子亮曾強硬回應：我無啦啦做乜要自殺？

【點擊睇韓子亮兄弟反目】：

事緣吳保錡兩度公開重提「搶咪事件」，更成為節目《ERROR自救TV》的題材之一，令昔日好友韓子亮遭對方粉絲於網上留言攻擊。最終神隱近一年，韓子亮前年為粗口歌宣傳時，解釋當日兩人同台表演期間，因自己手上的咪冇電，情急下才快手取走吳保錡的咪，未料對方無限放大，一直重提事件自我宣傳，令他非常不快，更大鬧吳保錡是反骨仔。

此後，韓子亮不時在網上砲轟吳保錡，2021年8月更在IG Story連環爆料狙擊對方：「香港某組合成員涉嫌迷姦、狗公等行為，如果冇任何道歉或悔意，所有受害人將會接受訪問然後報警。唔需要告我哋誹謗，因為我哋有嘅係真材實料，睇住你成為香港版嘅吳亦凡。」

受粉絲騷擾患情緒病

其中一些帖文更標籤吳保錡，並寫道︰「手頭上已經有七個俾你食過嘅事主準備企出嚟，如果你唔出嚟公開道歉，同所有受傷嘅女士道歉，意思係俾你玩過嘅女士，你準備退出娛樂圈，手頭上嘅證據加上佢哋肯做訪問。」最後，韓子亮開名指吳保錡在節目中「好假」，又封對方為「香港版吳亦凡小豬」、「新一代世紀渣男」，當時韓子亮亦自言有情緒病，兩年來不停被「佢」的粉絲騷擾。

豈料相隔四日，韓子亮卻於IG發文自稱遭公司勒令收聲，但他仍有不甘：「雖然我公司叫我收聲，但係仲有好多嘢未公開，睇下點。」事後吳保錡獲ERROR隊友力撐，肥仔（梁業）指是為拍節目度橋跟韓子亮開玩笑，不料對方誤會，被問到有否後悔度橋玩「搶咪」？吳保錡說：「人生每一日都是新的一天，不用回頭望，每日都要做好自己。」