泰國達人胡慧冲被落降？手揞心口一臉病容疑因「衰多口」出事

即時娛樂

更新時間：16:00 2023-11-15
發佈時間：16:00 2023-11-15

泰國達人胡慧冲主持的《冲遊泰國9》目前在J2台熱播中，連日來胡慧冲不時在社交平台貼上節目的花絮片，力谷宣傳。不過昨日（14日）突然在FB貼上一臉病容的相片並稱疑似因「衰多口」而被落降落，他更繪聲繪影分享過程！

【相關閱讀】：冲遊泰國9丨胡慧冲學女神拍浸浴畫面！脫光肉騰騰歎溫泉冬蔭表妹近距離目擊：咁細

【點擊睇胡慧冲病況】：

胡慧冲昨日（14日）突然在FB貼上一臉病容的自拍相，相中見到一手捂着心口兼一臉病容，他留言稱懷疑被人落了降頭：「真人真事但可能有機會我想多咗，不過夢境真係好實在，夢見泰國好好人帶了我去一個佛寺跟住給了一些東西我，夢境非常清楚而且同時間出現兩次！之後醒來成身骨痛又肚痾，問過攝影個攝影話落降頭就唔係咁簡單喇。」

胡慧冲續說：「到傍晚突然之間全身發冷，回到風酒店房間熄咗冷氣都凍到好緊要，又肚痾，心諗莫非我衰多口跟住對方知道懲罰我？幸好有香港醫生為我介紹了一些藥，酒店在蘇梅島替我買了，之後足足3小時超級凍，之後開始而家熱番，在酒店房食少少嘢，希望今晚會好快啲好番，好好人係呢一科識落降頭都唔出奇，可能大家真係有啲誤會，又或者可能我諗多咗，希望唔係。」

【點擊睇胡慧冲浸溫泉】：

有不少朋友留言問候，其中製作人楊紹鴻說：「你姓胡，叫思亂想！大佬，你老友我舊工友相信曾經見過落降，所以會諗多咗，放心，食錯嘢都係咁㗎，工友！」仙樂都亦有留言：「祝早日康復，應該唔係中降頭，而家啲病毒好犀利。如果真係個心形住形住，就搵個個師傅睇吓，換個安心！」甚至亦有人說：「冲哥會唔會係你人實在太疲累，而出現幻聽幻覺？又或者係夢境裡面要俾你暗示，你將會發病？係因為休息唔夠，冲哥記得要多保重身體啊！」

【其他文章】：

冲遊泰國｜冬蔭妹近況曝光！前年升呢人妻變晒B狂魔選美出身嫁商人暫別幕前

【頭條獨家】《疫後冲遊》冬蔭妹繼續晒身材胡慧冲烈日下拍攝曬燶腳

頭條獨家丨胡慧冲拍外景不忘為港人祈福超支製作《冲遊泰國7》劃完美句號

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ