鍾慧冰44年前參選國際小姐片段曝光擁迷人電眼長腿纖腰甜笑震驚網民

更新時間：10:00 2023-12-15
發佈時間：10:00 2023-12-15

現年66歲鍾慧冰於1979年參加港姐奪得季軍，短暫在TVB工作後，便轉投電影界發展，並一度出任製片、策劃、導演等幕後工作。昨晚（14日）鍾慧冰在社交網上載一條攝於44年前的影片，是她到日本參加國際小姐時的一個環節，影片曝光後，火速獲大批網民點讚。

【相關閱讀】：鍾慧冰自揭患血管炎險死經歷！兩徵狀以為中風入私家醫院樣樣講錢：感覺差

【點擊睇鍾慧冰選美舊片段出土】：

鍾慧冰貼出的片段，原來是由友人提供，她笑言收到後興奮到想喊。影片中的鍾慧冰紮起髮髻，穿上一件黑色泳衣，淡定地走到舞台中央作自我介紹，鍾慧冰一開口先用日語打招呼，再改用流利英語表示自己來自香港，並露出自信的燦爛笑容。鍾慧冰留言：「今日居然收到了1979年我在日本參加國際小姐的泳衣片段呀，簡直興奮到想喊呢！」不少網民睇到後大讚鍾慧冰靚女：「勁靚」、「美翻了」、「不得了！大美人！」、「美麗與高貴」、「高貴大方嘅美女」等。

鍾慧冰揭70年代#MeToo

生於上海的鍾慧冰，1歲時隨父母來香港生活，到14歲便移民美國，於美國紐約大學經濟系畢業，1979年返港參加香港小姐並奪得季軍，婚後誕女，現年27歲的女兒林靜莉為香港電台主持。

不過鍾慧冰曾以自身經歷作分享，拍片講「舊時娛圈」，驚揭曾遭受性騷擾，鍾慧冰當時哽咽兼眼濕濕：「其實當年我同TVB完約之後都冇續約，我即刻去咗嘉禾轉做幕後，之後啲人問我點解，我都冇講個真實原因。我一直講畀人聽『因為TVB唔肯加人工，因為佢哋都真係唔肯加人工，但嘉禾多幾千蚊，所以我就走咗囉』。」

鍾慧冰指40多年來從未忘記，感覺事情仍歷歷在目：「我同鄭文雅都經歷咗差唔多嘅嘢，咁當然我覺得佢唔講，我都費事講啦。我就唔係話放過嗰個對我哋有啲性騷擾嗰個人，但我都唔想講喇。如果當年鄭文雅有同我講呢，我就可以同佢一樣…即係有個人同你擔當吓，你個心會舒服啲。所以有時有啲男人好過份呢，我哋女人都要團結起嚟，我希望而家後生嗰啲就冇好似我哋以前咁怕事囉，乜都唔敢講囉！」不過鍾慧冰最終未有透露遭到性騷擾的詳情。