雯雯新年又狂數老公張致恒！談離婚狀況再爆Seed：個個淨係識話我發癲
發佈時間：18:30 2024-01-02
有「離婚KOL」之稱的張致恒（Steven）與區燕雯（雯雯），結婚後四年抱四，但這對夫妻經常鬧婚變兼生活拮据，不時公開向網民求助，令一眾網民都睇到非常麻木，更有人表示下次真的離婚才好宣布。踏入新一年的第二天，雯雯再度發功，連環出post數臭張致恒，更透露不離婚的原因。
相關閱讀：2023回顧丨娛圈十大騎呢事排行榜！黃日華無厘頭傳婚訊 張致恒驚變「結紮KOL」
張致恒老婆雯雯如何講離婚？
雯雯今日（2日）在社交平台以黑底白字表示：「新一年我真係唔想再講，但係點解呢個世界可以有啲咁樣嘅人？個仔發高燒不停喊，我喺度氹，出面兩個仔肚餓夠膽死話冇錢，所以冇處理，大佬，你唔識煮嘢㗎？為咗瞓覺自己唔去讀個平安卡都算，個仔一開學就唔帶佢返學，其實你究竟想點樣？！我又可以點樣？」
雯雯續透露不離婚的原因：「係呀，一句離婚好簡單，咁係咪我淨係要兩個小朋友？咁另外兩個小朋友又點呢？如果俾佢死得啦，我能力只可以照顧到兩個，咁請問另外兩個又可以點樣？真係送去啲機構？個個都話我成日淨係識嗌離婚，但係做唔到，咁你又可唔可以教吓我小朋友點呢？送去保良局？！」
張致恒雯雯2023年如何成為「離婚KOL」？
對於曾被網民指控她「扮可憐」，雯雯再出po為自己的行為澄清：「個個淨係識話我發癲，淨係識話我拎晒啲家事出嚟講，咁又有冇諗過我咁多年經歷緊啲乜嘢？我以前一句說話都冇講過，每個人都會有佢爆嘅時候，我冇地方發洩只有咁樣，我會覺得冇咁委屈同可以發洩到到自己嘅情緒，咁又有咩問題？我喺自己嘅平台講自己想講嘅嘢，唔想睇嘅，Unfollow唔好睇囉。」
雯雯續指打出來是找個地方發洩情緒，總好過走去自殺或傷害自己而照顧不到小朋友，更霸氣表示不需要任何人比評語！未幾，雯雯又再爆seed謂：「成日都話我生之前有冇諗清楚，佢哋而家已經活生生係度，係咪要丢左佢地？你哋先安樂，成日話我抵死，放心，我已經承受緊我要承受嘅。」
其他文章：
張致恒夫婦疑欠租冬至被迫遷 雯雯突放負網民憂心做傻事：一切也完結
張致恒又呻窮！稱全家病倒兼跌爛電話 自爆無交租多月即將再被逼遷
雯雯反擊老公借錢去私院生仔論！自揭生B靠家人找數 張致恒懶理炮轟繼續「搲着數」？
張致恒網上推銷情趣用品爆罵戰 稱無錢開飯反遭前粉絲控訴扮可憐多次借錢
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
