Twins演唱會丨蔡卓妍率全場為鍾欣潼慶祝生日 互相感激同行每一個階段
發佈時間：11:35 2024-01-22
Twins於紅館舉行14場《TWINS SPIRIT SINCE 2001 LIVE IN HONG KONG》昨晚（21日）進行首場演出。Twins唱完《千金》後，大談九年後再度合體開騷感受。蔡卓妍（阿Sa）說：「呢個係20周年演唱會，因為疫情，所以遲咗兩年開騷，希望大家盡情跳、盡情跳，好耐無返嚟呢度。有無人要去厠所？今晚好精彩，無厠所位。」
相關閱讀：Twins演唱會丨阿Sa蔡卓妍晒腹肌！粉紅Bra Top玩透視性感 完美重現23年前側手翻
Twins演唱會丨蔡卓妍鍾欣潼合體掀集體回憶：
Twins演唱會丨英皇藝人合體演短片好爆笑：
Twins到後台換歌衫期間，現場電視螢幕播放不同片段，當中一班同門藝人有份參演。蔡卓妍同鍾欣潼以經典角色紫蘭仙子及紫薇仙子出現，容祖兒則化身成觀世音。其中一段短片蔡卓妍同鍾欣潼扮演《鐵達尼》的男、女主角，反串扮男生的蔡卓妍更親吻鍾欣潼。最爆笑蔡卓妍同鍾欣潼演繹芭比主題短片，扮演Ken的陳家樂跟兩人分手，叫她們忘記自己，突然關智斌出現話帶兩人到冰島，隨即泳兒、Gin Lee、鄧小巧等加入一起載歌載舞。而同門師兄張敬軒與蔡卓妍同鍾欣潼上演《明日戰記》一幕，張敬軒將經典對白改為：「我係天惘，天惘就係我。」相當搞笑。
當蔡卓妍同鍾欣潼邊唱邊跟粉絲握手期間，蔡卓妍話：「之前咪講過叫大家扮返我哋以前造型嚟睇演唱會，我哋巡視一個圈，有無人Dress up？」蔡卓妍同鍾欣潼見到有粉絲自製兩人肖像揮春，即要求粉絲送給她們，並謂最啱貼在門口，兩人巡視現場觀眾造型後，選出幸運兒並送出禮物。Twins換上黑色透視服裝唱出 《女人味》、《星星月亮太陽》、《紅睡星》，以意態撩人舞蹈配合，相當風騷。
Twins演唱會丨蔡卓妍鍾欣潼真情對話：
蔡卓妍表示22年前出道，當年做第一次的紅館演唱覺得是一個奇蹟，再隔22年再於紅館開騷，亦是奇蹟，鍾欣潼則說一隊組合多年沒有拆伙好難得，蔡卓妍再說：「我哋唔知幾時再開演唱會，你知啦！我哋年紀越來越大，唔係𡃁妹仔！要好好珍惜，唔知呢次係咪最後一次。好多人話我哋代表你哋青春，其實你哋都代表我哋青春，好奇怪我哋一齊就會返去返年青年代，你哋覺唔覺得後生咗？而家大家望實我哋會唔會長生不老，望我哋多啲，望多幾眼，有冇回春呀？」
最感動是蔡卓妍同鍾欣潼分別道出兩人多年合作感受，蔡卓妍說：「22年想像唔到呢個係我哋將來，從淚光之中走到呢個年紀，但我知道無論開心或唔開心，在人生風光時刻或低潮時期，我哋終於有一個階段走到另一個階段，但無論邊個階段，我都知道你會同我一齊，多謝你呀！鍾欣嬌。」鍾欣潼則自認並非自信之人，亦感謝蔡卓妍會支持自己：「有你喺我身邊，你嘅自信、你的開朗，係我學習對象，自己做嘢成日半途而廢，惟一無放棄同你嘅友誼，好感恩遇見你組成Twins，多謝你！蔡卓妍。」兩人真情對話後，亦感動落淚，就連在場睇騷的容祖兒也感動到不停拭淚。
Twins演唱會丨經典側手翻重現紅館：
適逢昨晚（21日）鍾欣潼的43歲生日，現場每個座位有一張手幅，寫明當蔡卓妍提示舉起，給鍾欣潼驚喜。當蔡卓妍向觀眾示意後，全場舉起不同顏色的手幅，又大唱生日歌賀鍾欣潼，本應會顯示出「GIL HBD」字樣，豈料有不少觀眾走到台前等待握手機會，令蔡卓妍失預算並說：「呢壇嘢我搞咗好耐架！唔緊要，我拎張原圖你睇。」演唱會尾聲，蔡卓妍說：「好多人話我哋代表到佢哋，你哋好失望、失落時間，記得有我哋地陪伴你哋，但諗好耐邊首歌，最尾揀呢首歌，我哋係好唔同嘅人，但一齊有化學作用，好似風箏與風。」隨即唱出歌曲《風箏與風》，為個唱劃上完美句號。
其他文章：
Twins演唱會丨近30位明星贈花籃賀開Show！張學友成龍疼錫後輩 紅館後台變花海
Twins新歌《夢想與夢》呼應《風箏與風》 好姊妹容祖兒驚喜獻聲
Twins演唱會丨阿Sa生日雙喜臨門！ 門票被秒殺即宣布加開兩場破紀錄
-------
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
