陳柏宇晒父女「咀嘴」片捱轟！10個月大細女伸脷狂舔爸爸 一個原因被批行為不妥
發佈時間：15:30 2024-01-25
現年40歲的陳柏宇（Jason）與模特兒符曉薇（Leanne）於2017年結婚，翌年誕下女兒陳羿辰（Abigail），早年經歷兩度流產後，去年3月終誕下細女陳星晴（Audrey），一家四口幸福美滿，兩公婆亦不時在社交平台分享親子日常，未料昨晚（24日）上載的一段父女「咀嘴」片卻惹來爭議！
相關閱讀：陳柏宇遠離電子產品唔知日本地震 呻5歲大女食飯唔專心食足兩個鐘
陳柏宇父女咀嘴有幾誇張？
陳柏宇是「晒女狂魔」
陳柏宇是圈中出名的廿四孝爸爸和老公，自大女Abigail出世後就變成「晒女狂魔」，頻頻於個人社交平台分享父女溫馨互動外，亦為囡囡設立專屬IG帳號「abigailaudreychan」，至今已累積5.6萬Followers，擠身「星B網紅」之列。而近期家中最得寵是10個月大的細女Audrey，陳柏宇幾乎次次外出用餐都帶埋囡囡一齊做「吃播」，當中B女的牛牛、大吉、「孖辮妹」及「阿珠媽」等萌爆造型屢成焦點，Cute到連好友蔡明思都忍不住笑問：「點解要個女日日都Halloween咁？」
點擊睇陳柏宇更多家庭照：
不過，陳柏宇昨晚選擇食「煮家飯」，一身家居服的他單手抱住Audrey扒飯，其間為食寶寶忽然向爸爸深情索吻，帖文中寫道：「我妺真係好鍾意食嘢，連爸爸食完嘢個口都唔放過。」片中所見，Audrey先是撲向狂掇爸爸鼻哥，陳柏宇即識做抬頭與囡囡咀嘴，接着笑謂：「仲有少少（味道）呀，係咁意Feel吓，Feel到喇嘛？」此時Audrey嘴巴「妹吓妹吓」，沉思數秒後還是意猶未盡，於是兩度再伸脷喪舔爸爸雙唇，陳柏宇微微張嘴一臉受落，鏡頭後的符曉薇睇見亦哈哈大笑，未有醋意大發。
不少網民都笑指妹妹好猴擒：「我見到打車輪」、「另類French Kiss」、「女兒果然是爸爸的前世情人」、「BB已經Kiss得咁叻」、「妹妹好似好餓」，惟亦有人覺得此舉不妥：「其實很不衛生！」
其他文章：
陳柏宇送度蜜月所買古董望遠鏡給粉絲 安排妻女到酒店Staycation過聖誕
獨家丨陳柏宇被網民叫退休：退唔退都唔關你事 初出道保形象唔敢認同裕美拍拖
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
