盧海鵬罕談失明嚴重影響生活 看不清手機、劇本：你哋都睇唔到，仲有咩人搵我拍戲？
發佈時間：10:50 2024-01-29
黃夏蕙昨晚（28日）在沙田舉行慈善基金活動為保良局籌款，她表示今次筵開80席，所有事情都是自己一手一腳籌辦，至於嘉賓方面，也是親自打電話邀請，提到盧海鵬（鵬哥）亦有現身，夏蕙BB指一叫對方就應承：「佢好錫我，即刻答應，（會唔會陪鵬哥跑步？）我會同佢去，因為知佢鍾意，就陪吓佢老人家，因為佢好似我老竇，好細個就同佢拍戲。」
相關閱讀：萬千星輝頒獎典禮2023丨周奕瑋入行18年首奪最佳男主持 自我鼓勵：唔好被人限制自己想像
盧海鵬右眼失明影響生活：
盧海鵬接受訪問時就表示仍會每日跑步，更指無論天氣如何也不會停止：「無懼風吹雨打天，天寒天凍都要跑。」對於早前周潤發參加馬拉松，他表示因年齡關係所以不會跟對方參加，雖然盧海鵬表示現時身體狀況不俗，但問到眼睛現時的狀況，他說：「有一隻盲咗咁，冇嘢㗎，（日常生活影響唔大？）點會唔大？睇嘢都矇查查，我都睇唔到你哋。」盧海鵬又謂現在除了看不到手機外，也不能看劇本，問到現時是否停工不接戲？他說：「仲有咩人搵我拍？（好多人想睇你做戲。）有得拍咪拍囉。」提到他早前出席TVB頒獎禮後勾起很多人對「蝦仔爹哋」的回憶，他則表示現時沒有人找他工作：「個個都係話搵你拍，係唔係先得㗎 ？」雖然他指現時平日會留在家不外出，閒時亦會重看《歡樂今宵》，但若有人相約及有車接送的話，也會外出跟朋友一起吃飯敘舊。
黃夏蕙「小龍女」造型上頭灶香
籌辦今次活動的黃夏蕙指暫時不會離開香港，因為除了有慈善基金籌款工作之外，亦有老人基金，《夏蕙傳》亦正在籌備開拍，她又透露今年會以「小龍女」造型去上頭炷香，又指到時會找身旁的陳建興做楊過，更指對方是其電影中的中年版潘炳烈，問到老公會否呷醋，她說：「我老公鍾意添，唔會呷醋，有人照顧，仲叫佢睇住我。」
同場黃榕與薛影儀（阿儀）結伴現身，黃榕透露2月會到內地拍網劇，又指薛影儀為手機遊戲擔任代言有很多個造型：「有古裝、啤酒女郎、女僕同學生。」更表示對方稍後會到多間中學巡迴演出。薛影儀則謂對代言酬勞感滿意，不過就沒想過會買禮物獎勵自己，她又感激黃榕經常找她出活動，之後更突然反問黃榕說：「你覺得唔簽約係咪好過簽約？我有合約嗰陣，經理人有活動都唔會通知我囉。」嚇得黃榕即表示事情已過去，希望2024年有更多工作，可賺更多錢。薛影儀亦祝願大家在新一年身體健康及工作順利，問她在新一年想不想找個男朋友？她表示沒想，但又突然自爆早前邀請心上人去她的手機遊戲發佈會，不過對方就指因不在港，所以未能出席，不過她表示不會失望，至於會否在2月14日相約對方？她說：「唔會呀！」
其他文章：
萬千星輝頒獎典禮2023丨62歲三嫂戚美珍回春樣頒獎 與盧海鵬賈思樂台上Re-U
萬千星輝頒獎典禮2023丨盧海鵬自揭失明後公開現身！上台「試咪」中氣十足 精靈狂爆金句
82歲盧海鵬自揭失明！患一病多年影響眼睛「冇得醫」 曾塞血管獲影帝墊支20萬醫藥費
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
