《四葉草2》女星突貼眼腫「毀容」照嚇窒網民 嫁律師老公做媽咪前年舉家移居英國
發佈時間：16:30 2024-02-03
現年43歲的董敏莉（Monie）2004年以歌手身份出道，惜成為「一碟歌手」便轉戰影視圈，尤以TVB劇《赤沙印記@四葉草.2》飾演「方敏」令人印象深刻。已淡出幕前多年的董敏莉，2016年嫁給年長15年的律師才俊莊耀金，兩年後誕下女兒子子（Martha），一家三口2022年從台灣移居英國，其間仍不時於社交網分享生活點滴，惟她昨日（2日）忽然貼出眼腫「毀容」照，狀甚嚇人！
相關閱讀：細數《四葉草2》演員近況！男主角與男友拍拖13年 個個女角完美凍齡好驚艷
董敏莉移民英國眼腫成點？
董敏莉分別於IG貼出兩張自拍，頭一張加上濾鏡之下依舊靚靚女好正常，惟另一張Close up照卻驚見眼瞼紅腫變單眼皮，與平日判若兩人！董敏莉撰長文解釋：「唔好睇我而家個樣正正常常咁，其實自台灣開始，左邊眼皮開始敏感又紅又腫，睇西醫都係搽類固醇滴眼藥水，一直無乜起色，好吓又發吓～」她指，移居英國後敏感情況加劇，更久不久眼皮腫到似雞蛋：「左、右眼齊齊又紅又腫又痕又揦，醫生都係話類固醇眼藥水加食敏感藥，效果一樣，好吓又發吓～」並謂連偏方都試埋，即使用菊花水敷眼也沒有起色。
點擊睇董敏莉演藝經歷：
直至去年回港兩星期放暑假，董敏莉的眼皮敏感終不藥而癒，無奈最近再次復發，不過她仍打趣道：「而家眼皮又嚟料，不過無咁嚴重，可以用cream，用藥穩定佢腫嘅程度，而side effect就喺我獲得一雙又深又balance嘅雙眼皮。」一眾網民睇見眼腫照紛紛嚇到「嘩嘩」聲，不少人亦提供各種建議：「類固醇唔好搽喺眼皮啊！會有青光眼白內障」、「你有冇去做allergy test呀」、「會唔會係甲狀腺」、「係咪壓力」。
其他文章：
【頭條獨家】移居台灣三個月遇制水及地震 董敏莉直擊疫情生活停電最唔慣
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
