星8卦丨「小鮮肉」「猛男」相知多年為真愛隨時隱退

更新時間：11:30 2024-03-01
發佈時間：11:30 2024-03-01

鍾意偶像有時真係要理智啲，好似「小鮮肉」因為一兩套劇紅咗，大家就成日為佢製造CP感，個個女主角都講到好似同佢有路咁。其實「小鮮肉」個男朋友同佢半斤八兩，兩個都好紅，但礙於雙方都要發展銀色旅途，所以唔夠膽太過張揚。「小鮮肉」坦白講，演技真係普普通通，但個樣真係靚到連女人都妒忌，話點解可以生成咁，而且唔脂粉味。

「猛男」啱啱相反，因為好活躍，唱歌又好聽，做綜藝又鬼咁生猛，樣梗係無自己個伴侶咁好睇，但勝在高大，多年嚟都儲到一班女粉絲。而呢班女都幾癲，所有女人埋身都會被搞到不似人形，其實「猛男」同「小鮮肉」喺埋一齊都有4、5年，每次兩個見到啲女為自己要生要死，都覺得好好笑，就更加唔敢畀外面嘅人知道兩個人嘅真正關係。

但作為行家就好明白，冇講到話支持，但兩個人真心相愛，係冇罪嘅，不過大家都好識做，唔會將兩個人嘅關係搬上枱講，「猛男」已經同老死講過，有乜事就自己擔起頭家，等「小鮮肉」去讀書，搵夠錢兩個人搵個歐洲小島匿埋過二人世界。「小鮮肉」覺得真愛難求，已經預咗隨時隱退，話知你咁多！

星8卦｜「整形」恃「肥伯」錫以為有樓揸手被踢爆包養小鮮肉一刀兩斷

星8卦｜「長人」無溝仔運長期陷苦戀「媒人」打救嫁「專業」執尾籌

星8卦｜「鬼妹」以為「高大」係良伴成賭局犧牲品要睇心理醫生

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ