《愛回家》男星突削髮惹出家疑雲 自爆同撞鬼有關？
發佈時間：15:15 2024-03-06
自1999年加入TVB的嘉駿（Kason），憑處境劇《愛回家之開心速遞》飾演尋寶圖實體店員工「西就」而為人熟悉，日前他忽然於社交網上載剷頭髮片，並謂：「看破紅塵！削髮為僧！」嚇窒網民，令人猜測這究竟是新劇造型？抑或決定放棄演藝事業出家修行！事隔3日，嘉駿再次蒲頭於IG親揭真相，未料竟疑似與靈異事件有關！
相關閱讀：愛回家丨龍力蓮「小鳳姐」上身為炸雞逼接龍七美下海 熊若水黑絲長腿不敵呢個熟女
嘉駿剷青新造型：
嘉駿前日（4日）於IG撰文解釋：「早幾日我將啲頭髮剷晒！好多人覺得好奇怪，我係咪為咗新戲而剷？為情所困？」他續指，自1月拍畢《非份之罪》後開始臉色變差，近日出埠更疑似撞鬼：「我自己同身邊嘅人都覺得我臉色唔好，我自己覺得我冇咗精氣神，上禮拜喺台灣又見到嘢，而我已經好幾年長頭髮，而啲頭髮一直都遮住我額頭，所以把心一橫剷晒佢，將嗰所謂印堂露番出嚟！」
嘉駿有份演《麻雀樂團》
豈料好事隨即發生，嘉駿說：「剷咗唔夠72小時，今日（4日）就有好消息！嚟緊我將會拍攝《麻雀樂團》。所以，唔到你唔信邪。多謝TVB，多謝珍姐，多謝監製Marco（羅永賢）。」並附上載一張Whatsapp對話截圖，當中可見他收到幕後工作人員通知，為李佳芯與譚俊彥主演的新劇《麻雀樂團》定造型，而且還是連戲角色。
嘉駿演出作品：
嘉駿自揭從小有陰陽眼
事後接受傳媒訪問時，嘉駿稱：「上星期去台灣又見到啲污糟嘢，其實我由細到大都睇到，所以唔太驚，不過最近又見番…」並謂早在新年放假期間已精神麻麻，更兩度被巧遇錄影《中年好聲音2》的陳慧嫻指氣色差，於是依照中國傳統命理學，加上髮型師的意見直接剷青，他卻表示無懼影響接Job：「我啲角色都唔係靚靚仔仔，應該冇問題！」
其他文章：
再見枕邊人丨12歲童星劉宸熙演技超班！原來拍過《愛回家》 與一位TVB小生最有緣
《愛回家》古佩玲晒露背相一部位又惹熱議 曾被傳是「硬膠樣」嫌疑人被搣面驗貨
《愛回家》自抽大劉寸爆「膠面女」事件 召喚8大嫌疑女星即場驗貨
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
