余慕蓮將入住護老院！從未感受母愛 斥母親貪慕虛榮：佢死我一啲感覺都冇
發佈時間：10:00 2024-04-09
今年7月是余慕蓮的88歲生日，曾經在2020年患上肺纖維化的余慕蓮，近日身體狀況麻麻，因為她早前不慎鯁魚骨要到急症室求診，雖然身形仍然偏瘦，且走路時要傭人攙扶，但幸好精神不俗，近日接受好友汪曼玲的網上節目訪問，她坦言自己已經賺咗！
相關閱讀：86歲余慕蓮不慎鯁魚骨留院！91歲周驄獲獎 盼古天樂為娛圈老友記做一事
余慕蓮接受網上節目訪問：
余慕蓮在2020年因患耳石症，後來因咳嗽不適入院證實患有肺纖維化，一度於深切治療部（ICU）留醫，幸好最後走出鬼門關，雖然大病後身形偏瘦，且走路時要傭人攙扶，但幸好精神不俗，不時見她現身好友的聚會。日前余慕蓮接受好友汪曼玲的網上節目訪問，雖然近日要經常出入醫院，不過未有影響她的心情，余慕蓮說：「我賺咗喇！上次我以前自己死梗，點知又畀我玩多兩、三年，我覺得好開心，賺咗。」
余慕蓮感激圈中好友幫忙
余慕蓮當時病重時，獲不少圈中好友金錢上的支持：「好多人都對我好好，好似小恩子（黎瑞恩）捐咗10萬，不過啲錢我冇要，捐咗去兒童癌症基金。胡杏兒又捐咗10萬，馬騮仔張衛健我同佢係好少合作，嗰陣佢喺北京，知道我有事即刻匯錢畀我，我仲好笑，唔知佢匯咗7萬定8萬，我就去銀行，問係咪7千，點知原來我係睇少一個零。」汪曼玲又提到余慕蓮與米雪的感情特別好：「因為米雪係曹達華契女，我打電話畀佢，原來佢返咗內地拍嘢，不過我同佢其中一個妹好friend，成日出嚟飲茶。」
余慕蓮談身體狀況：
余慕蓮將入護老院暫住
在訪問上，余慕蓮稱因外傭姐姐要放假一個月，所以她將會去護老院暫住，直到姐姐放完假返港才回家，余慕蓮坦言自己人生沒有遺憾：「比上不足比下有餘就算。」不過提到與媽媽的關係，余慕蓮說：「我從來都冇母愛，乜嘢叫母愛就係冇人愛，佢15歲結婚16歲生我，佢貪慕虛榮嚟咗香港，因為佢靚，有好多男朋友，佢唔鍾意啲女，我對佢冇釋懷，死咗都唔會喊，我從來都冇得到母愛， 唔好講佢，一講我就㷫，所以佢死我一啲感覺都冇。」
余慕蓮曾說早已為自己立下平安紙：「一早已經寫好，因為我冇人冇物，將來瓜老襯，間屋都值幾百萬，已經寫好會捐去東華三院。身後事都有安排好，因為人遲早排隊都要走，計劃好總好過畀人呃，畀人呃仲心噏。我一向唔係太睇重錢，人最緊要健康，而家連健康都無乜，瞓醒一日就當係賺多一日，千萬唔好諗太多。」
其他文章：
92歲黎宣罕有露面坐輪椅眼仔睩睩依然精靈 余慕蓮從影50年首奪獎哽咽多謝古天樂
余慕蓮86歲生日連環精靈慶祝 每日做呢兩件事保持良好體態依然聲如洪鐘
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
