麥明詩盛勁為結婚丨麥明詩親解搞三場婚禮原因 自爆完事瞓足一星期先復原
發佈時間：14:30 2024-04-10
「十優港姐」麥明詩（Louisa）與飛機師老公盛勁為（Keith）上月搞足三日婚禮，在月底（29日）完成最後一場喜宴後，唞不足一星期，麥明詩又開始於社交網「洗版式」晒現場照，就連舊愛林作都忍不住在愚人節抽水，稱要跟女友裕美在全港各區每星期舉行一次婚禮。昨晚（9日）麥明詩再分享多張結婚照，並撰長文親解舉行三場婚宴的原因。
相關閱讀：麥明詩結婚穿美牌Deep V婚紗索價X萬 盛勁為開工順便「度蜜月」？
麥明詩盛勁為搞三場婚禮原因：
麥明詩於IG上載三場婚宴照，直言被不少朋友問到搞多場婚禮是否很辛苦，她笑謂：「的確係，完事後直情要瞓足成個禮拜先recover（復原）到。其實唔係因為想搞到好『盛』大，而係源自於一個盡量make everyone happy（令所有人開心）嘅初心。」並謂與盛勁為早有共識，為免發生衝突及不愉快，一早決定婚禮分幾次搞，而每一場的「主角」亦不同，大大小小的選擇就因應主角需求而定。
麥明詩爆奶奶是李龍基粉絲
一對新人上月23日率先在元朗大井盛屋村舉行盆菜宴，席間邀得李龍基高歌助慶，麥明詩指，這場的「主角」是老爺奶奶：「我哋盡跟圍村傳統，賓客絕大部份都係佢哋嘅親戚和朋友，而表演嘉賓方面，就邀請了奶奶很喜愛嘅李龍基先生。」翌日（24日）兩人移師銅鑼灣吉列島遊艇會擺酒，場地命名「甜麥樂園」大玩復古風，原來這場「主角」是麥生麥太，她續道：「菜式、流程、程序等都以佢哋嘅意見為首。圍數全部歸佢哋兩老，只受場地所限而唔使同對家協調，婚紗款色都迎合佢哋喜好。」
麥明詩盛勁為婚禮靚相：
至於上月29日的田園風戶外婚宴，主角終於是一對新人，麥明詩說：「因為之前已經take care咗雙方父母嘅要求，呢次我哋就可以盡情選擇自己鍾意嘅嘢－戶外草地、樂隊歌曲、西式食物、無限酒精…爸爸媽媽雖然唔識欣賞，但係都好盡力去嘗試投入。」她直言，最後一晚的瘋狂派對玩得好盡興，甚至有些照片都不能出街。
盛勁為對3個字好深體會
雖然搞多場婚禮十分疲累，但麥明詩亦不忘賣口乖說：「總括來講，我爸爸媽媽、老爺奶奶也是非常隨和，我們非常幸運，而最後似乎各人都開心。不過同時都提醒一句，家人話『冇咩所謂，簡簡單單就OK』呢句說話…ummm…千祈唔好盡信呀，唔知你哋又有冇啲咩婚禮後嘅insight（見解）呢？」盛勁為亦留言附和：「要揣摩『無所謂』呢3個字需要好多智慧。」似乎經此一役有好深體會。
其他文章：
麥明詩盛勁為結婚丨新郎春宵一刻塞頭入馬桶狂嘔 醉眼惺忪自隊茅台一飲而盡
麥明詩盛勁為結婚丨搞足四場婚禮終簽紙？場內田園風布置曝光 朱千雪挺巨肚觀禮
麥明詩新婚後首現身！面色蒼白挨實老公 盛勁為棄逾21萬求婚錶改戴情侶錶
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
