羅莽剛陽味十足都畀人恰！扮吳剛狂食真炭導演收貨都仲繼續 同場老演員睇唔過眼出聲叫停
發佈時間：17:30 2024-04-14
現年71歲、邵氏武打演員出身的羅莽從影接近50年，拍過不少電影、電視劇，當年TVB劇集《娛樂插班生飾演胡江一角，當時一身爆肌兼造型與吳剛師傅極為神似，令觀眾留下深刻印象。雖然羅莽剛陽味十足，不過骨子裹其實當易相處，而且把握機會搏到盡！
相關閱讀：71歲羅莽面部鬆弛被嘲撞樣劉以達 太太早年病逝打擊大 自揭感情現況
羅莽從影接近50年演出：
羅莽自小學武為保護家人
羅莽自小在九龍寨城長大，當年羅爸爸希望兒子學武，可以保護家人，加上受李小龍「中國人不當東亞病夫」的電影對白影響，所以羅莽先學洪頭蔡尾再學朱家螳螂拳，結果練得渾身爆肌！久未露面的羅莽，日前接受傳媒訪問，當年羅莽的恩師是張徹導演，羅莽加入邵氏後，更為他度身訂造電影《金臂童》，戲中角色亦正亦邪，而且渾身爆肌，令不少觀眾大為讚賞，羅莽說：「我哋練啲功夫，兩個人伸對手出嚟對樁練，大家一齊劈落去，之後越劈越大力，啲肌肉爆哂出嚟。」結果這套電影令羅莽紅到去美國，羅莽美國影迷會在2017年為他舉辦了首個簽名會，羅莽笑說：「呢個真係人生第一個簽名會，嗰次仲賺咗8萬蚊美金，影相要收錢嘅但佢哋好樂意，大家又會分享下睇咗我啲戲有咩得著，我又同佢哋講下當年邵氏電影嘅盛勢係點。」
羅莽對導演要求是絕對服從
身為一介武夫的羅莽，鏡頭後平易近人，對導演要求是絕對服從，在1979年拍《雜技忘命隊》，導演要他羅莽三樓跳下來，更表示如果羅莽不跳的話，導演自己親上陣，羅莽唯有硬著頭皮走上三樓跳下去，但因他不懂「跳樓」技術，結果被膝頭撞爆嘴滿口鮮血，而且更被同場武師笑他。到了1985年，羅莽演出《江湖了斷》時，導演臨時要求飾演監犯的他生食草龍，而且還要吃到有聲在吞下去，羅莽當時即使不太願意，但最後都頂硬上，當時將隻草龍放入口後再放在舌底，用演技扮咬碎吞落肚：「導演問我係咪吞咗落肚，我話係呀，佢即刻行出嘔，我仲話問佢駛唔駛拍多次！」
姜大衛狄龍同為邵氏小生：
羅莽狂食真炭連老演員都睇唔過眼
其後羅莽不想只是拍太多武俠片，希望拍一些其他劇集磨練演技，於是主動打給「六嬸」方逸華稱自己想加入TVB，而且不介意人工但求有機會，最後羅莽如願以償，加入TVB演出了不少令人難忘的角色，特別《娛樂插班生》入面飾演胡師傅，又要搽油又要食炭，試過為了要滿身油，羅莽拎著花生油入男廁自己搽，他說：「幾好玩架，初時搽前面，之後話要搽埋背脊，我成樽花生油淋落男廁塊鏡，之後撻個背脊埋去捽囉，無助手幫我，有乜計呀。」不過因為一場食炭戲份，發生了一件難忘事。
羅莽稱當時好似用真炭，雖然這些炭經過化學處理，熱度稍低但亦相當熱，羅莽連續食了多次，本來導演已經收貨，但見還有時間而未有叫停，羅莽說：「扮到同場有啲老演員睇唔過眼呀，話唔好再拍喇，我都唔敢出聲，（邊個演員出聲？）我記得好似係王偉，真係多謝佢哋呢啲前輩。佢哋睇到覺得唔舒服所以出聲。」
【其他文章】：
姜大衛罕談狄龍不和傳言 與李琳琳結婚50年鰜鰈情深：係唔可以分開
「六嬸」方逸華表弟75歲生日！黃家禧竟是呂慧儀契爺 猛料電影人曾酒後發言波及林峯
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
