星8卦｜「疊疊」嫁錯老公搵到金主即離婚自救

更新時間：11:30 2024-04-23
發佈時間：11:30 2024-04-23

闊太唔易做，尤其你嫁咗件老竇有啲米，但係又唔多長進嘅老公！好似「疊疊」咁，自細出嚟賣，唔覺得自己可以有個好人家上岸，點知好啱「公子」睇，追咗兩年就話拉埋天窗。

細路女唔知咁多，以為「公子」屋企都有啲，但原來老爺係打工皇帝，阿仔都係靠老竇份人工生活，表面豐盛生活無問題，但嫁咗入門至知唔係想像中咁好環境。更唔好彩係佢生極都係女，老爺直情唔高興，僅有嘅嘢都唔會過「疊疊」手。無耐仲要發現「公子」喺出面有第二個，原來好多女人同自己一樣咁蠢，見佢靚仔又好似有啲家底，亦唔介意做第三者。

結果係「公子」連份工都無埋嘅時候，「疊疊」覺得一定要自救，所以主動提出離婚，「公子」都無本事，梗係唔阻撓。其實「疊疊」咁大膽係因為佢已經同「公子」一個老友達成協議，對方曾經喺結婚前提出過要照顧佢，喺最落魄時佢都即刻搵番呢個富三代開出包養條件，明碼實價做男女朋友，當然唔可以俾啲細路知，富三代個老婆亦同「疊疊」好好感情。而家仲係合約期，但紙包唔住火，人哋老婆知咗，仲話要出嚟數臭佢，要「疊疊」身敗名裂呀！

星8卦｜「笑笑」「樂樂」為爭仔出高價搞到反面「俊俊」吊高賣怕得罪人

星8卦｜「標緻」迫「阿叔」攞名份失敗轉溝「西哥」玩激將法

星8卦｜「排骨」做戲當副業提升知名度為方便搵老細賺真銀

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow