名模因病停工神隱多年 激罕Deep V水着晒Fit爆身材 曾爆同行醜聞遭群起杯葛
發佈時間：18:40 2024-04-20
名模周倩圯（Samantha）因健康問題而神隱多年，現時轉型從商發展美容事業，間中於社交網與形象指導男友Ricky Kwok（郭慶彬）晒恩愛，近日兩人趁泰國潑水節，雙雙飛到曼谷享受陽光兼玩水，連日更於IG激罕大晒Deep V水着照，大晒事業線及美腿，獲不少網民大讚外形Keep得勁好！
相關閱讀：【頭條獨家】男友Ricky化身解決師 周倩圯同店員講到「變臉」
周倩圯Deep V水着晒身材：
周倩圯自2000年代活躍於香港時尚圈，曾跟TVB主席許濤的太太陳祉妤（前名陳沛嘉）、周汶錡、樂基兒、馬詩慧、陳嘉容、Rosemary（虹萱）等行騷，惟早年因在雜誌大爆同行是非包括整容、賣淫，更矛頭直指周汶錡和胞妹周勵淇，惹來模特兒非議，搞到2005年與周汶錡等Model出席活動時，疑似被眾人排斥，拒絕一起訪問兼合照被迫企邊邊，當時周倩圯激動回應：「我冇俾人杯葛！我要工作，唔同佢，我唔埋堆，自己做自己，咁就俾人話杯葛，好唔公平！之前單嘢先好番，而家又撩番起，做乜成日要追住我？係咪要迫死我先開心？」
周倩圯被與周汶錡等Model杯葛？
直到2009年，周倩圯因身體不適而全面停工，後來轉型攻讀美容課程，並獲取5張國際認可的美容文憑，雖然2017年曾向傳媒透露有意復出幕前，但近10年來已鮮有公開露面，只是偶爾在社交平台分享生活，當中主要孖男友Ricky Kwok放閃，其他不外乎跟友人聚會及晒名牌。
周倩圯轉型大搞美容生意
今年初，周倩圯再次蒲頭接受媒體電話訪問，透露過去3年疫情一直增值自己，修讀跟護膚美容相關的課程，並不時到外地蒐羅小眾又好用的護膚品牌，惜本來開設的美容產品樓上舖，最終不敵疫情被迫暫停營業，不過她亦已打算重開門市，在美容界大展拳腳。
其他文章：
兩度失婚名模晒20年後分別震驚網民 唔識中文進駐小紅書靠一招親回留言
周汶錡素顏曝曬湊仔！大仔代表名校出賽 年付9萬學費與黎姿鄭中基愛女做校友
周汶錡做廿四孝媽媽湊仔連玩日本上海 7歲細仔遺傳法國爸爸浪漫細胞每晚做一事
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
