星8卦｜「霸姐」食盡小鮮肉想定落嚟招惹「扮嘢」痴戀唔敢落疊

更新時間：11:30 2024-05-21
發佈時間：11:30 2024-05-21

如果要問「霸姐」最想係乜？梗係想有個男人錫啦！但佢條命就係咁，一直都遇唔到一個企理。初戀俾「才子」追到以為自己係公主，喺埋一齊十幾年至知對方一直有個小男友，仲要主動出擊話兩個人唔夾，一早分手。呢個打擊之後，「霸姐」開始同細自己好多嘅小鮮肉一齊，追求肉體歡愉，「奀仔」做幕後，勝在屋企有個錢，但條件不足以令「霸姐」公開大家戀人關係。

「奀仔」都同「霸姐」拍咗五年拖㗎，到佢攞咗獎之後就決定同「霸姐」分手，有時啲男人係咪借「霸姐」出名就真係好難定斷，但近年「霸姐」發現自己唔知點解多咗班同性追求者。好似「扮嘢」之前飛甩「囡囡」之後，搵「前輩」幫手穿針引線，介紹自己識「霸姐」，仲話自己係小粉絲。而家日日做柴可夫車出車入，「霸姐」無所謂㗎，多個同性觀音兵，加埋都Dry咗咁耐，有人追吓都好Sweet嘅。

不過如果想再進一步，「扮嘢」就明示暗示畀「霸姐」知，但始終係無乜反應，「扮嘢」心急到呢，但又唔敢太進取。其實薑係老嘅辣，「霸姐」問咗「前輩」乜事，知道「扮嘢」心事，但又唔想影響自己形象，希望最終有男人埋身，有啲嘢千祈唔可以開始，費事無得返轉頭！

星8卦｜「動物」同「生姐」拍拖盡使衰咸濕斷正被飛抵死

星8卦｜「出色」花心死纏唔肯分手「珠女」撞正天體派對嬲到出煙

星8卦｜「叻叻」靠賣料賺人情外快藝人敢怒不敢言任由宰割

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow