星8卦丨「高妹」扮鍾意女人呃「小姐」好食好住唔捨得分手
發佈時間：11:30 2024-06-14
講起扮直同扮攣呃飯食，「高妹」又真係去到好盡， 明明同「導演」都未分手，但見「小姐」對自己生滋貓入眼，即刻同男友分手，當時情況又好難講，畢竟貧賤夫妻太窮唔到你有情飲水飽。
相關閱讀：星8卦丨「公子」搵名媛姐仔過橋呃父母 被踢爆唔做戲直接出櫃
「高妹」見「小姐」 家底好，最緊要係捨得，喺埋一齊兩個月就買咗部車畀佢，型號仲係自己一直想要嘅。期間仲搬咗間大屋，雖然係租，但「高妹」未試過住咁大單位，梗係好開心。「小姐」唔難服侍，而且比男人更溫柔同大方，「高妹」呢段時間身光頸靚，靚錶都幾隻，加加埋埋都有7位數字傍身，仲係送咗出去唔會收返。
可惜真係做唔到真心對對方，唔可以變性向就只會難為自己，「高妹」好快又同「才子」眉來眼去 ，佢仲以為「才子」有啲錢，遲啲喺「小姐」身上搵夠就跳船，但好死唔死「才子」嘅好朋友係「小姐」嘅生意拍檔，好快就將「高妹」成日嚟搵「才子」嘅事講畀「小姐」知。
「小姐」 梗係傷心，但都畀機會「高妹」，直情話如果佢唔係同自己係一種人就唔好浪費大家時間，「高妹」衰格咁又喊又扮情深，話對「小姐」係真心，只不過同「才子」溝通得好啫！而家好多朋友都昅實「高妹」，因為明知佢係呃「小姐」錢，但「小姐」又鬼咁鍾意呢款女人，所以只能等機會捉到「高妹」錯處令佢死心！
其他文章：
星8卦丨「禿頭」樣醜但識氹女「長面」唔夠「妹妹」爭輸得好失禮
星8卦｜「清秀」痴戀「導演」被趕出門口 錯愛「偽君子」被騙身家
星8卦｜「高瘦」被阿媽逼嫁入豪門 奶奶自出自入無私隱搞到情緒病
星8卦｜「霸姐」食盡小鮮肉想定落嚟 招惹「扮嘢」痴戀唔敢落疊
--------------------------------
由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL
緊貼最新最快新聞資訊，請立即下載星島頭條App：https://bit.ly/3Q29Vow
