J2患癌主持文頌男再度入院早前獲兩猛人援手怕再被罵急解釋發長文原因

更新時間：20:30 2024-06-16
發佈時間：20:30 2024-06-16

前J2節目《不正常愛情研究所》主持文頌男（Koba），去年10月確診罕見的尤文氏肉瘤（Ewing's Sarcoma），早前文頌男接受28次電療。文頌男上月與母親及胞姐慶祝29歲生日，全面停工零收入的他，早前收到香港演藝人協會及會長古天樂捐贈的款項，日前又獲已故天后梅艷芳生前好友連炎輝伸出援手，安排專車接送他往返醫院，可惜文頌男今日（16日）又再次發文指因身體不適入院。

文頌男剛獲連炎輝伸出援手又入院？

文頌男日前才分享兩位好友探望他的照片，見他精神尚算不錯，還舉起勝利手勢，今日卻見他躺臥在病床，並發長文解釋入院原因。文頌男透露其實五日前已開始不適，如同感冒不停標冷汗，全身乏力且持續頭痛，直至昨日（15日）吃晚餐時無力咀嚼，躺着或站着都感疼痛，最終召救護車入院。文頌男早前接受電療後減輕下肢痛楚，想不到又有另一種痛來襲：「唉，點解啲痛苦要一浪接一浪，明明啱啱先電療完，下肢啲痛開始減輕咗好多，即刻又嚟第二種痛，到底個天係咪真係咁唔鍾意我，由細到大，甚至到呢個病，都係要不斷折磨我，唔想我好過。到底個天要折磨到我幾時先肯放過我？係咪要慢慢折磨到我越嚟越虛弱、越嚟越痛苦，然後慢慢死去」。

文頌男曾短暫回歸拍節目：

文頌男勇敢對抗癌魔

他又指現時只期望有一日可以得到一絲輕鬆，可以毫無痛楚安靜地躺在自己睡床上。文頌男指自患病八個月以來，每天都處於痛楚和各種不適當中。雖然感到氣餒，但他指出：「其實我一直都好努力咁同病魔搏鬥，雖然痛楚一浪接一浪，但我冇放棄過。每一次痛楚嘅來臨，我都咬緊牙關，期望自己可以捱過去。即使身體不停發抖、用唔到力又痛，甚至連咀嚼都變得困難，我仍然堅持住，冀望有一日可以重獲健康。」文頌男勇敢與癌魔搏鬥，希望有機會康復。之前文頌男透露有關心他的網民不滿未獲回覆，他曾解釋因痛症持續發作導致無法回覆大量的訊息，今次亦有不少網民表達關心，並有不少建議，其中一位則留言：「咁叻，唔舒服仲可以打篇文，巳經好叻叻，加油吖咁」，文頌男則回覆指：「尋晚打完針，今朝好返少少用語音輸入加AI幫手打」。

其他文章：

J2患癌主持文頌男病情疑漸趨樂觀？一原因遭網民怒轟：希望畀多啲空間我

J2患癌主持文頌男進行首次電療痛到呻吟感激獲演藝人協會聯絡提供協助

J2患癌主持文頌男專訪｜上月宣告治療無效父因情婦拋妻棄子由媽媽獨力撫養成人：我對佢好愧疚

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow