70歲艾迪移美多年突轟美國海關態度惡劣：佢以為佢做官呀？ 外貌不復當年拍《邊緣人》撞樣加藤鷹
發佈時間：13:50 2024-06-25
現年70歲、曾因電影《邊緣人》而獲封金馬影帝的艾迪（Eddie）在90年代移民美國，與第二任太太育有一子一女，一家四口生活穩定，直到2014年艾迪復出接拍翁子光執導的電影《踏血尋梅》和《墜落花》，但因疫情關係，未有留港工作，不過艾迪返回美國後，開設YouTube頻道「艾迪 Eddie Chen」分享近況。日前艾迪從香港返回美國時候，在當地過海關的一個經歷，竟然惹來熱議！
相關閱讀：艾迪曾傳因某人拒演《英雄本色2》引網民競猜 四位主角只跟一人有合作？
艾迪回美國過海關經歷惹熱議：
艾迪分享返美不快經歷
艾迪早前返港旅行，他除了四出遊樂外，還應邀到大學出席一個講座，分享「一個演員的自我修養」的心得後返回美國。日前艾迪在YouTube頻道上，分享返三藩市的一個經歷，他說：「今次我返嚟帶咗啲中藥，喺過移民局嘅時候，我同海關關員講帶咗啲中藥之後，佢叫我行去清關嗰一條隊，檢查吓帶咗啲嘢。」當時艾迪遇上兩個關員，一個是外籍人士，另一個是中國人：「我好肯定嗰個關員係香港人，佢有同我講廣東話，呢個人真係好討厭，你知一般過海關，都係客客氣氣，希望減少啲麻煩就過咗去。」
艾迪經歷惹來不少網民留言
艾迪稱當時這個關員已經很詳細問中藥的成份，接着又問他身上有幾多錢帶入境，他說：「我咪話大概幾多錢美金，幾多錢港幣，點知佢話冇得講大概，幾多就幾多，咁我咪數完之後再話我知，點知佢又叫我全部折算做美金，計好晒就寫低。」艾迪嬲爆地說：「邊有啲態度咁鬼乞人憎？佢以為佢做官呀？」片段惹來不少網民留言，有人說：「經一事長一智，人對於事件態度都會出於自己本身，X關員只見不太專業同禮貌，謝分享回美國資訊祝生活愉快~」、「對人有禮係基本家教，Inspector XXXX真係要好好反省，有朝一日佢都會出國嘅話，佢無理由想人哋個海關人員咁對佢自己。」艾迪亦有回覆：「佢根本態度惡劣！」
艾迪美國生活照：
艾迪臉上留有不少歲月痕迹
不過亦有人說：「艾迪哥，小時後睇過你的電影，很久沒有見過你在螢光幕，現在真係認唔到你本人。」片中所見，艾迪臉上留有不少歲月痕迹，一頭銀灰色的亂髮和白鬚，身形明顯發福了不少，看起來有點似「神之手」加藤鷹。艾迪早已與家人移民美國，定居於三藩市，間中返港拍戲並非為錢，而是在美國的生活太悶，唯有返港尋樂趣。如今艾迪子女亦已長大成人，現在生活輕鬆許多，難得在晚年仍找到樂趣，經營個人YouTube頻道與網民交流，網民都替他高興。
其他文章：
68歲艾迪移美多年亂髮白鬚拍片勁有型 憑《邊緣人》封帝因一事見盡圈中人情冷暖
前《流行都市》主持與子於加國大屋巨型花園露營 前年與女星妻離巢移居常晒寫意生活
歌女定居泰國澄清非移民 豪花七位數曼谷置業 女兒讀哈羅學費近20萬元
