衛詩雅結婚丨去年4月已爆有計劃生仔9月認愛圈外人婚後拍親熱戲要問老公？

更新時間：22:27 2024-06-27
發佈時間：22:27 2024-06-27

現年39歲衛詩雅今日突然在IG宣布婚訊，大晒巨型方鑽戒，以及獲求婚感動到眼濕濕的照片，留言說：「日後，風雨同路。感恩遇上你❤️I Do💍（我願意）」，不少藝人好友、網民都留言送上祝福。雖然婚訊傳得突然，不少人更以為衛詩雅一直單身，但其實衛詩雅去年已經透露有男友。

衛詩雅結婚丨去年已認愛？

衛詩雅感情空窗多年，去年4月她受訪提到《不日成婚2》，由於當時陳家樂剛與連詩雅結婚，當時被問到會否影響拍第三集，當時衛詩雅已說：「如無意外、幸運嘅話，我都結婚啦係咪？我計過如果要生仔，最好就呢兩年生啦，咁呢兩年生我大肚嘅時候就最好，就唔使用假肚。」當時衛詩雅即被記者問是否好事近，她隨時落閘，指自己「講誇咗」，不過表示：「我意思係話如無意外，我都適合年紀結婚，一結婚都係呢幾年即刻生BB。」

到去年9月衛詩雅終於傳出好消息，接受傳媒訪問時透露已有個了解中的男朋友，又表示拍拖最緊要是溝通，還說自己只要拍戲就要變成另一個人，笑說開工就要短暫分手：「千祈唔好影響工作，要足夠成熟，要就我多啲，理解我生活作息時間。」當時她更透露結婚後，也會問准老公才拍親熱戲。