星8卦丨「阿俊」被力捧成為財神爺衰爛賭遭封殺死不悔改

更新時間：11:30 2024-07-09 HKT
發佈時間：11:30 2024-07-09 HKT

娛樂圈係咪真係誘惑多，所以特別容易染上不良嗜好？但「阿俊」就絕對同入唔入行無關，佢係天生鍾意乜都賭一餐。不過佢因為靚仔又幾唱得，有啲才華，係出道唔使幾個月，由唱片公司用啲好方法將佢短時間內捧上神位，真係近年嘅奇蹟。

搵到錢就梗係放肆啲，本嚟鍾意乜都賭嘅「阿俊」更加有籌碼，開頭公司唔知咁多，又見佢係金蛋搵極都有，而佢又特別要求快啲出糧，所以破例成為全公司最快過數嘅藝人。但咁就出事啦，有錢就直情唔見人，幾日幾夜咁同啲籌碼死過，有時甚至會失場，嚇到台前幕後要食驚風散。

如是者公司終於知道佢啲壞習慣，高層出面勸左一次又一次，但佢都無表現悔意同知錯，仲話啲錢係我搵，關你鬼事咩。高層激到話你再係咁我即刻雪你，等你無得番身。點知「阿俊」未驚過，坦白話呢幾年自己係公司賺最多嗰個，封我等於斷左公司條財路，量你都唔敢。高層果然言出必行，即刻九秒九落封殺令，因為捧得起你，亦可以捧另一個。所以半年過左「阿俊」都係無聲無氣，好似人間蒸發，咁佢有無修心養性？梗係無啦，依家多咗時間，玩得更盡情添！

其他文章：

星8卦丨「專業」花心亂媾仔追唔掂「少爺」搞鬼自取其辱

星8卦丨「姐姐」難忘初戀借錢助度難關難得老公明理作支持

星8卦丨「男主角」唔鍾意出街賴老婆妻管嚴扮無奈小男人

星8卦丨「才女」最愛人夫遇「激進」大打出手嚇到「大哥」「才子」避走

星8卦丨男人愛後生女幫忙傳宗接代導演一二號棄糟糠一齊做老豆

星8卦丨「高妹」扮鍾意女人呃「小姐」好食好住唔捨得分手

星8卦丨「公子」搵名媛姐仔過橋呃父母被踢爆唔做戲直接出櫃

↓立即下載星島頭條App↓