前J2患癌主持文頌男離世 終年29歲 近日病情惡化今午病逝後事從簡處理
發佈時間：22:23 2024-07-13
前J2節目《不正常愛情研究所》主持文頌男（Koba）去年確診罕見癌症尤文氏肉瘤後，停工專心養病，零收入的文頌男曾發起眾籌醫藥費。然而近日情況惡化，今日文頌男IG貼出長文，宣布文頌男離世，終年僅29歲。
相關閱讀：文頌男逝世｜逝世前3個月受訪 樂觀面對「治療無效」 憶父因情婦拋妻棄子由媽媽獨力撫養：對佢好愧疚
前J2患癌主持文頌男離世：
文頌男預先撰寫遺言
文頌男生前預先撰寫遺言，今日晚上10時公布離世消息：「好抱歉，喺呢度要同大家講一啲好沉重嘅事。當大家睇到呢一篇文章嘅時候，我已經離開咗人世。呢幾個星期以嚟，我一直努力接受自己身體上嘅變化。呢段時間，我選擇咗唔對外透露自己嘅病情，亦冇同任何傳媒交代，因為我未有勇氣去接受呢啲變化。」
文頌男上月底開始下半身癱瘓
文頌男直指自己在上月22日已經下半身癱瘓，被緊急送入醫院，而文章則在7月10日撰寫，當時病情不但未有好轉，而日漸變嚴重：「醫生同我商量過，再做康復治療都冇作用，只能夠做一啲舒緩性治療，見到有咩症狀就做相應治療抑制住佢，等我過得冇咁辛苦。簡單嚟講，依家就係等緊死，純粹希望死得舒服啲。喺人生嘅最後一哩路，非常感謝親友同各界人士一直以嚟嘅支持同關心，呢段旅程有你哋陪伴，我感到無比幸運同感激。」
相關閱讀：前J2患癌主持文頌男道出公院問題被批評！再透露護士漏派藥：問幾時派一次又答唔到
文頌男今午病逝後事從簡
文頌男生前曾在網台「閃芒」作幕前演出，今晚10時「閃芒」IG亦同時貼出訃聞，透露文頌男於今日（13日）下午離世：「文頌男的離世是我們團隊的一大損失，也讓無數喜愛他的粉絲感到深切哀痛。我們將永遠懷念他，感謝他在我們生命中留下的無數美好回憶和歡樂時光。」同時透露將會尊重文頌男意願，身後事一切從簡：「我們將尊重文頌男的遺願，身後事宜一切從簡，不會安排任何公開的追思會或喪禮。我們亦懇請大家尊重其家人和親友的隱私，避免過度打擾。謝謝大家的理解與體諒。」而團隊亦將暫停更新一周，討論日後發展。
文頌男談抗癌經過：
文頌男IG全文：
好抱歉，喺呢度要同大家講一啲好沉重嘅事。當大家睇到呢一篇文章嘅時候，我已經離開咗人世。
呢幾個星期以嚟，我一直努力接受自己身體上嘅變化。呢段時間，我選擇咗唔對外透露自己嘅病情，亦冇同任何傳媒交代，因為我未有勇氣去接受呢啲變化。
其實，早喺2024年6月22號，我就因為下半身完全癱瘓、完全郁唔到、冇任何知覺而入院。呢個情況亦令我排唔到尿，所以當時要緊急送入醫院。
自從入院以嚟，到我撰文呢一刻（2024年7月10號），已經接近三個星期。唔好講病情冇好轉，反而越嚟越差。胸口以下仍然係完全冇知覺，完全控制唔到排泄功能，需要換尿片同埋插尿喉。癌細胞已經擴散去好多唔同嘅位置，例如胸、肺、多個脊椎、淋巴，甚至有啲腫瘤我可以喺外部摸到。有知覺嘅地方都感覺24小時都好痛，例如肩胛骨、頸椎、頭皮。
我仲有氣促，心跳長期偏快，依家要吸氧。每朝早都會有發燒嘅感覺，不過量體溫就量唔出發燒，而且仲會覺得好凍，但就出曬汗，身邊嘅人感覺我發緊熱
醫院已經開咗好多唔同嘅藥畀我，不停調整劑量，雖然有抑制到大部分症狀，但仍然都係好辛苦、好唔舒服。
醫生同我商量過，再做康復治療都冇作用，只能夠做一啲舒緩性治療，見到有咩症狀就做相應治療抑制住佢，等我過得冇咁辛苦。簡單嚟講，依家就係等緊死，純粹希望死得舒服啲。
喺人生嘅最後一哩路，非常感謝親友同各界人士一直以嚟嘅支持同關心，呢段旅程有你哋陪伴，我感到無比幸運同感激。
其他文章：
29歲J2患癌主持文頌男腫瘤擴散下半身無知覺 家姐難面對壞消息：彼此心中有數
J2患癌主持文頌男獲梅艷芳猛料好友安排專車接送覆診！撰文感激：明明本來唔認識我
J2患癌主持文頌男病情疑漸趨樂觀？一原因遭網民怒轟：希望畀多啲空間我
前TVB主持患癌住公院大呻似坐監？稱被拖症致怪病纏身：冇錢就等死囉
J2患癌主持文頌男再度入院 早前獲兩猛人援手 怕再被罵急解釋發長文原因
J2患癌主持文頌男專訪｜上月宣告治療無效 父因情婦拋妻棄子由媽媽獨力撫養成人：我對佢好愧疚
J2患癌主持再現幕前！身形消瘦依然活躍 食嗎啡試忍痛試鏡扮正常
J2文頌男自揭坎坷命運被父親拋棄變街童 患罕見癌症心酸哭訴：好慘
