巴黎奧運｜何詩蓓再奪銅牌被方力申嚇窒？賽後採訪超激動眼泛淚光開心過自己攞

更新時間：13:50 2024-08-01
發佈時間：13:50 2024-08-01

香港「女飛魚」何詩蓓在上屆奧運奪得兩面銀牌，今屆在巴黎奧運繼女子200米自由泳後，再在200米自再添一面銅牌，總計兩次參加奧運共獲2銀2銅，可謂前無古人。何詩蓓日前奪銅牌後接受多間傳媒圍訪，當中有記者竟以「後勁不繼」來形容她的表現，惹來網民不滿！相反，泳手出身的方力申採訪卻受到好評，他在賽後訪問何詩蓓更眼泛淚光，比對方還激動。

巴黎奧運丨何詩蓓被師兄方力申嚇親？

何詩蓓在100米自由泳決賽以52秒33奪得銅牌，冠軍是其偶像、瑞典絲祖唐，亞軍為美國赫絲姬。何詩蓓賽後滿面笑容接受方力申訪問，方力申語帶激動，疑似回應「後勁不繼」言論說：「我哋個個都睇到你搏到盡啦，世界好高級好強嘅水平，呢塊獎牌無論點都好，大家都戥你高興，你自己又點睇呢塊獎牌嘅顏色？」何詩蓓都似乎被方力申比自己還激動嚇窒，她說：「其實我嚟呢個比賽嘅目標唔係為攞獎牌，只係希望做到最好，睇吓我實力去到邊。」何詩蓓指時間與個人最佳相差不遠，自己很滿意，同時很享受整個準備過程和比賽：「尤其是啱啱行出嚟見到好多香港旗，無論獎牌與否大家都好支持我，大家喺香港飛嚟睇我比賽，我好感謝大家一路以嚟嘅支持。」

巴黎奧運丨何詩蓓背景強勁︰

方力申即笑指何詩蓓太豁達，指很多運動員都會感到壓力影響表現，「你係第一名入決賽，你係點樣可以做到面對呢啲壓力，可唔可以教吓我哋呢？」何詩蓓指自己游水多年，除了靠經驗克服壓力，近年也在心理方面下苦功，所以找了很多方面紓緩，不要太在意成績，反而要專注在賽事的處理和過程方面。一直背對鏡頭的方力申最後總結：「好，畀你做完其他方面，攞完獎我哋再傾，OK，辛苦晒！」此時，方力申緩緩望向鏡頭，大力點頭抿嘴，明顯見到他眼泛淚光，相當感動。

方力申獲讚言之有物

網民大讚何詩蓓一直充滿笑容，心態正面陽光，能在高手林立的泳場勇奪兩面銅牌難能可貴，同時亦有網民讚賞方力申的採訪言之有物：「好喜歡他的訪問，談話非常有意思、非常專業」、「方力申喺今次澳運真係做得好好。講嘢清晰，一句到point」、「小方，問題準備得好」。更有人笑指方力申見何詩蓓奪牌比自己贏更開心，「方亦是游泳健將，佢明白訓練過程係要付出好多好多……你睇佢訪問完何後最後個表情，就知一切盡在不言之中」、「方力申眼濕濕好激動」、「最後嗰下Alex好似仲開心過自己攞」。

其他文章：

巴黎奧運｜謝影雪突患類風濕關節炎痛到無力擠牙膏提睇留言被叫退役淚崩感謝鄧俊文一直支持

巴黎奧運丨黃鎮廷杜凱琹混雙8強戰另一亮點！總教練李靜肉緊表情逐格睇說話精警俘虜網民心

巴黎奧運丨鄭裕玲契女與江旻憓係同學！晒舊照展最萌身高差爆求學時一舉動成就金牌佳績

巴黎奧運丨韓國女箭神「小全智賢」濃妝上陣！比賽期間甩妝曝露真實膚質一部位狀態引熱議

巴黎奧運丨「花劍一姐」陳諾思曾因一件事害怕劍擊畢業於Band 1名校星級校友來頭勁

巴黎奧運丨江旻憓被爆15年前往事！才華早被肯定獲「特別照顧」父女溫馨細節曝光