何太直播面目猙獰表情逐格睇!嗌完離婚又要送何伯去老人院 兩度暗嘲叫老公「見血」咪累人
發佈時間:15:50 2024-08-08
![何太直播面目猙獰表情逐格睇!嗌完離婚又要送何伯去老人院 兩度暗嘲叫老公「見血」咪累人](https://image.hkhl.hk/f/1024p0/0x0/100/none/19cd4b92b9384d627a153305b57a6c9e/2024-08/ENT___44.png)
何伯與何太因《東張西望》而大受網民關注,何太出名後更拉埋老公開拓網紅事業,不過有一段時間過度曝光,令「人氣」急跌。何太近日一改嬌妻形象,在直播中多度鬧爆何伯,被網民直指露出「真面目」。昨晚(7日)何太再開直播,何伯一度情緒激動鬧「見血」風波,何太的反應震驚網民,表情多到可以做「表情包」。
相關閱讀:何太兒子行為怪異嚇窒網民!於鏡頭外撞頭阿媽懶理 繼父何伯關心反被罵:你理佢做乜
何伯「膠紙黐嘴」逼出何太真面目?
何太在昨晚的直播中,稱如果有錢會送何伯去老人院,又再提起離婚問題,更叫何伯「唔好死住」,一度令何伯情緒激動,一時用膠紙封嘴指手劃腳,一時又發出啜泣聲,更大鬧聲稱要寫遺書,驚動網民擔心何伯安全而報案求助。其間,何太不時對何伯反白眼,又閉目不回應,一臉憤憤不平。當何伯嘴黐膠紙出鏡時,何太即連珠發炮,一臉兇神惡煞大鬧何伯:「你想點?你肯收聲未?如果我有錢,真係想送佢去老人院。我知道佢唔掂啦,佢暴露少啲唔得,無得救,佢呢啲人,我心淡㗎喇,都唔知點解佢咁配合啲黑粉嘅。」
何太多度目露凶光
何太鬧何伯期間,不時瞳孔放大又目露凶光:「我問你而家算乜嘢意思呀?你要搞到房屋署嚟搞我先安樂嘅!啲人教唔精、教唔靈,要嚟有咩嘢用吖?真係識佢咁耐,都冇帶過好處畀我㗎!」何太期間多度閉起雙眼,露出無語、嘆氣表情。何太著火指何伯教不好仔女,何伯突然爆出一句:「我何煊發誓,聽日就去斬死嗰幾個杏XX,否則我唔姓何。」何太露出面目猙獰一面,阻止何伯再爆人名。而何太又忽然秒變臉,輕聲細語叫何伯搵仔女和好。
何伯激動稱要見血
當聽到何伯聲稱:「你同我離婚嗰日就係我死忌。你搞到我心情都無晒仲搞咩嘢呀?」何太雖然發火叫何伯:「你而家即係又想暴露嘢呀?你躝得出去吖,我同你講!你講呢啲說話畀人哋聽到㗎!連累人㗎!」但說話時一度閃現笑容,當何伯再激動聲稱:「你仲同我講離婚,即刻見血今日。」何太秒現恥笑:「你好心唔好再連累我啦!」
何太何伯火速和好
最弔詭是何伯與何太在直播上鬧到警方上門調查,何伯轉頭卻拎出切片西瓜𠱁何太,二人火速和好,有如從未有鏡頭前鬧出不快,更看似從未爆出「見血」鬧劇,引起網民討論。
相關閱讀:76歲何伯喘氣為妻按摩腩肉!影片流出恐涉色情成份? 何太再被質疑做過骨妹
何伯為何太按摩影片惹爭議:
24小時求助熱線︰
生命熱線︰23820000
明愛向晴熱線:18288
東華三院芷若園熱線︰18281
社會福利署熱線︰23432255
利民會《即時通》:35122626
撒瑪利亞會熱線(多種語言)︰28960000
香港撒瑪利亞防止自殺會熱線︰23892222
賽馬會青少年情緒健康網上支援平台「Open?」:www.openup.hk
醫院管理局精神健康專線(24小時精神健康熱線諮詢服務):24667350
其他文章:
何太大鬧公屋大堂後報平安!16字回應房署書面勸喻 直播搵銀又有阻滯?
何太怒罵屋邨保安片瘋傳!何伯疑半夜離家瞓街 被指接獲房署收樓信有回應
何太突去警署報案!疑指控XX「不誠實使用電腦」:我所有損失都係由佢包起