中年好聲音3︱參選者帶8歲女遺物表演！「冷血」評判都落淚報名時已寫明要帶呢樣嘢上台

更新時間：17:00 2024-08-14
發佈時間：17:00 2024-08-14

TVB叫好叫座的真人騷《中年好聲音》，現正進行第三季的選拔賽，由於反熱烈，單是海選已進行了多次，8月12、13日進行香港區選拔，其中一位參賽者3626號的何家豪，為了8歲離世愛女，拿着女兒生前的遺物比賽，感動三位評判肥媽Maria Cordero、周國豐和張佳添。

中年好聲音3︱何家豪為亡女圓夢感動評判：

《中年好聲音3》參賽者之一的何家豪是樂隊Ever主音，當日他拎住8歲愛女的遺物結他自彈自唱《擁抱這分鐘》，令評判肥媽Maria Cordero及一向自稱「冷血」硬淨的周國豐聽到他自身的故事都忍不住落淚，何家豪在獻唱前透露在大約三個月前，家裡發生了一件不愉快的事，就是他的8歲愛女突然急病逝世。

今年1月結他送愛女的生日禮物

何家豪表示：「呢支結他係我1月送畀佢嘅生日禮物，佢係一個好鍾意音樂同唱歌嘅小妹妹，當時送完畀佢之後，學校有個功課需要佢拍一條片，佢當時攞住支結他拍咗條片，佢就話『呢支結他我期待咗好耐，我好希望下個學期開始攞住呢支結他上舞台去演唱，好無奈……佢做唔到呢件事，所以我好想代替佢攞住呢支結他去舞台唱歌。」何家豪稱報名時，也註明「我希望可以帶住支結他上舞台」，而何家豪所揀選陳奕迅的《擁抱這分鐘》，是他去年與愛女一齊參加比賽的歌曲。

中年好聲音3丨有誰參加大灣區海選？

肥媽被感動多次抹眼淚

何家豪真情獻唱時，評判席的肥媽多次版感動抹眼淚，他唱畢時，評判的張佳添說：「你唱得好，我係100%相信人死咗之後，只係肉身死，靈魂係冇死，我相信佢係聽到你唱呢首歌。」何家豪也同意說：「我都相信，因為到而家每晚我都會喺佢間房度唱歌畀佢聽，自從佢出世到佢離開，其實我每晚都會去佢房同佢唱歌，所以我都相信佢依然聽到。」

何家豪：請叫我「桃爸」

被感動的肥媽咽喉說：「佢唔係離開，佢今日都陪咗你身邊，我哋都感受到。」何家豪坦言相相肥媽所說，並說：「如果有機會可以入到選嘅話，我都唔希望用自己個名字，我都希望代表到佢，我個女個乳名叫『桃桃』，我希望大家可以叫我做『桃桃爸爸』，或者叫我做『桃爸』，我希望可以keep住呢個聯繫。」

周國豐：感情凌駕技巧

而冷血評判的周國豐表示，何家豪那3分多鐘的表演，真的很感動，「第一你好勇敢，當講呢個故仔時，你仲可以保持咁冷靜，對於我哋嚟講，一聽完個故仔，我經歷咗兩季嘅《中年好聲音》，我未試過係會好觸動、好觸動，但頭先嗰三分幾鐘，第一我已經同兩位評審講，我好希望你可以唱晒成首歌，因為你係用真情去唱呢首歌，係唱得非常非常感動，我諗音樂最緊要嘅元素係技巧，你係咪完美無瑕，你唔係，但你用真情去唱，我成日都提醒參賽者，要用感情去凌駕技巧，你剛才完完全全真係感動到我哋。」周國豐今日（6日）還將影片轉發到FB，並寫上：「真係忍唔到…喊咗！#你叫我最快樂你也叫我最心痛 #抱擁這分鐘 #中年好聲音3」。

其他文章：

中年好聲音3丨譚輝智家人參賽！揭家庭聚會最愛做一事曾多次參加歌唱比賽自認唱得

中年好聲音3丨海選開鑼！曾志偉為視障人士參賽者感動落淚區瑞強不知胞弟參賽？

中年好聲音3丨「空姐牛肉飯」參選！去年結業轉行做旅行社與72歲吳大強關係親密？

中年好聲音3丨生面口美女評審搶眼過參賽者！新世代音樂才女身材火辣

中年好聲音3丨區瑞強胞弟參加海選！肥媽大讚吳大強勁敵從事音樂與多位評審相熟？