Lucy跟媽媽遊韓國再被出賣浸浴照網民話核突嘲諷利用個女吸金

更新時間：13:00 2024-08-15
發佈時間：13:00 2024-08-15

李璨琛與太太梁志瑩（Sophia）的6歲大女李元元（Lucy）已幼稚園畢業，9月便升讀小一，趁開學前，Lucy媽撇甩老公及1歲細女李斐斐（Sucy），帶Lucy去韓國旅行，兩母女玩得好盡興。Lucy媽昨日（14日）在社交網出PO，分享兩母女入住豪華酒店的照片，再次曝光囡囡的出浴照，引起網民討論。

Lucy再被阿媽出賣浴照？

Lucy媽日前帶大女Lucy到首爾旅行，去了不少地方及喪食，見到Lucy胃口很好，餐餐清底，肚腩仔更是凸出得好搶鏡。Lucy媽昨日在IG出酒店打卡相，見到房間相當豪華，是以複式設計，下層有一個大廳，上層的大床更可瞓一家四口，空間感極寬敞，房間外更有露台可以睇街景。Lucy在酒店內外打卡外，更見到有一張浸浴相，Lucy趴在浴缸邊，看起來好享受。

Lucy媽稱好耐冇去過旅行

Lucy媽留言：「好多人對我冇乜興趣，但對我間酒店房好有興趣，走嗰日先同大家分享返呢間酒店確係正，兩母女仲好唔小心喺樓梯口影咗好多相 #好耐冇去過旅行實在太開心啦」。不少網民對酒店的設計感興趣，亦有網民認為Lucy媽又再PO女兒出浴照不太恰當：「做乜嘢出浴！又咁核突！」、「得兩母女咋？係咪有工作？」、「用個女搵咁多，遲啲無」等。