星8卦丨「高大媽」阻住阿仔拍拖出奇招冷飯菜汁招呼「花旦」終分手

更新時間：11:30 2024-08-16
發佈時間：11:30 2024-08-16

講到呢個世界嘅惡頂奶奶，真係數十日都講唔完！話說「花旦」同「高大」情投意合，兩個人都相處得好開心，「高大」亦唔理咁多，好快就帶「花旦」返屋企。「花旦」份人係比較倔，唔識氹老人家。偏偏「高大媽」份人好玻璃心，又覺得自己個仔最好，任何一個女人埋身，都係同自己搶仔，如果畀個女人得逞，就會冇咗個仔。

相關閱讀：星8卦丨「忠心」嫁人被逼增肥扮醜「高大」大男人真身暴現新婚變分居

「花旦」因為唔多睇得起呢種阿媽，心底唔服氣，總之「高大」不在場，就會同「高大媽」鬥黑面，鬥唔睬對方。好似上去屋企食飯，「花旦」明知扮嘢都要入廚房幫下手，「高大媽」永遠唔畀佢入去，好似要話畀「高大」知佢條女乜都唔識。唔畀「花旦」入廚房原來係要分開啲餸，「高大媽」永遠叫「花旦」坐埋一面，然後就將一啲隔夜餸拎出嚟，每次開飯枱面會有兩個區域。新鮮煮嘅就放係自己同阿仔面前，連工人姐姐都可以食新鮮飯餸。

「花旦」一睇就知係嗰啲係隔夜餸，雖然唔可以話係冷飯菜汁，但啲飯成日硬到「花旦」一啖都唔食，最難頂係都唔知放咗幾耐，有次仲係未全部熱透，最慘係「高大」又要做孝順仔，成日要返屋企逼佢食隔夜飯。「花旦」終於提出分手，覺得一餐飯已經證明個男人一啲都唔愛自己！

其他文章：

星8卦丨「高大」媾錯大嫂大佬開辣條件懲罰急娶「忠心」自救害人害己

星8卦丨「骨精」亂投資趁低吸納蝕大本累「長髮」狂接job退唔到休

星8卦丨「新貴」債主追到上公司高層投降安排北上避麻煩

星8卦丨「漏口」天生奸妃格專撬牆腳遇「大婆」出招敗走一身蟻無人同情

星8卦丨「大紅」自食其力識富二代上位被踢爆童年曾做手術雌雄莫辨

↓立即下載星島頭條App↓