星8卦丨「嬌嗲」「阿仔」真心相愛結良緣奶奶變態行徑破壞夫妻關係

更新時間：11:30 2024-08-20
發佈時間：11:30 2024-08-20

另一個惡頂奶奶更加經典，又係寡母婆守仔希望「阿仔」結婚之後都同自己住，「阿仔」同「嬌嗲」因為有共同理念同藝術修養都旗鼓相當，行內都覺得佢哋好登對，「嬌嗲」仲係初戀，對「阿仔」痴心一片。但唔夠兩三年，「嬌嗲」已經搬咗返屋企住，後嚟發現有咗bb至返奶奶屋企，因為驗到係仔，所以即刻要佢返嚟，驚個孫畀「嬌嗲」拎走。

相關閱讀：星8卦丨「高大媽」阻住阿仔拍拖出奇招冷飯菜汁招呼「花旦」終分手

「嬌嗲」最後生咗兩個細路，但同時亦宣佈離婚，帶住兩個細路返阿媽度，日子捱得苦但覺得好自由。佢同阿媽講，由結婚第一晚開始，奶奶就瞓喺佢兩公婆嘅房門口，佢第二朝瞓醒開門嚇到尖叫，奶奶即刻鬧佢大驚小怪，結果係每晚佢都瞓得好唔安樂，覺得奶奶𥄫到實，好大心理威脅。

「阿仔」雖然知道阿媽咁做好離譜，但佢話過三幾次之後都唔敢再話，因為最後俾阿媽鬧然後喊，「阿仔」一見阿媽喊就完全無計，叫「嬌嗲」忍讓下，所以兩公婆係屋企唔敢親熱，怕奶奶見到唔高興，久而久之「嬌嗲」覺得好似坐監咁，情緒都唔係太好，最後通牒係搬出去住，「阿仔」話唔可以離開阿媽，情願唔要呢段婚姻，問你死未！

其他文章：

星8卦丨「忠心」嫁人被逼增肥扮醜「高大」大男人真身暴現新婚變分居

星8卦丨「高大」媾錯大嫂大佬開辣條件懲罰急娶「忠心」自救害人害己

星8卦丨「骨精」亂投資趁低吸納蝕大本累「長髮」狂接job退唔到休

星8卦丨「新貴」債主追到上公司高層投降安排北上避麻煩

星8卦丨「漏口」天生奸妃格專撬牆腳遇「大婆」出招敗走一身蟻無人同情

星8卦丨「大紅」自食其力識富二代上位被踢爆童年曾做手術雌雄莫辨

↓立即下載星島頭條App↓