毛舜筠分享凍齡秘訣 因一件事大讚呢款糖「不得了」：有事就知道係好嘢
發佈時間：20:00 2024-08-22
63歲毛舜筠（毛姐）堪稱圈中美魔女，除了擁有一流的演技外，毛舜筠的廚藝相當了得，曾遠赴巴黎考獲藍帶廚師資格，經常下廚廣邀圈中好友品嚐美食，多次獲得圈中人讚賞。日前毛舜筠接受鄭丹瑞的YouTube頻道「健康‧旦」的訪問，分享用糖之道：「唔係食得貴，係要食得好，選擇好嘅嘢食，你嘅身體一定會健康啲。」
相關閱讀：毛舜筠榮升做外母！28歲大女幼帶低胸婚紗仙氣滿瀉 與親家一舉動見證好關係
毛舜筠分享用糖之道：
向熱愛烹飪的毛舜筠，因為日常注重飲食，連對糖和油都有嚴格要求，當然有助她擁有凍齡的外貌。日前毛舜筠接受鄭丹瑞的YouTube頻道「健康‧旦」的訪問，毛舜筠笑說：「特別係呢一年，我發覺好多人見到我都會話我唔老，有時候我會覺得佢哋係順口講，冇乜嘢特別，都已經聽慣咗。」直到有一次出席一個葬禮，遇上一個很久沒有見都朋友的一句話，令毛舜筠有所改變，她說：「佢專登走過嚟問我，點解我唔老？雖然我已聽慣，但係看見佢咁嘅樣，咪講咗句多謝，跟住我哋交換咗電話，甚至連Do姐（鄭裕玲）都試過咁問。」毛舜筠坦言：「我發覺唔係唔老，又點會老？其實我哋個個都會老，只不過可能係我比同年紀嘅人，睇起上嚟係比較後生啲。」
毛舜筠稱選擇好的食物身體一定會健康
毛舜筠覺得除了先天因素外，後天的因素亦不可忽視，毛舜筠稱在過去5年，不停努力鑽研健康的食物：「唔係食得貴，係要食得好，選擇好嘅嘢食，你嘅身體一定會健康啲。」毛舜筠坦言已甚少吃白糖（精製糖），唯一會用到少許白砂糖，是製作一款日本酸種麵包的時候，因不用白砂糖就無法發酵。其餘情況為了健康，毛舜筠已改吃羅漢果糖及阿洛酮糖（Allulose），兩者皆是不屬於精製糖（Refined sugar）的代糖。
毛舜筠愛錫年輕演員：
毛舜筠首選阿洛酮糖
毛舜筠首選阿洛酮糖：「過往唔能夠食糖嘅日子，無論係咩形態，我廚房全部都係佢。我照食糖水，係落阿洛酮糖嘅糖漿，煮餸都係，係冇得頂，到目前為止冇負面嘅研究資料顯示，越嚟越多好處，唔會提高胰島素水平，我真係覺得糖尿病人一定要研究阿洛酮糖。」
毛舜筠稱多吃糖身體會加速鈣化
毛舜筠更說假如多吃糖的話，身體會加速鈣化：「因為我屋企係有糖尿病嘅人，或者係有問題嘅嘢，全部都會發生，一般人就係唔理，覺得個個都係咁食，直至有事嘅時候，佢哋就知道呢啲係好嘢。」毛舜筠稱在過往數年不斷被問「駛唔駛呀」，但坦言是值得，並說：「唔係食得貴，係要食得好，選擇好嘅嘢食，你嘅身體一定會健康。」
其他文章：
63歲毛舜筠雙喜臨門！大女8月結婚榮升外母 為細女搬上山頂豪宅
毛舜筠迷上新運動享受跑步me time 湯怡首次帶女兒出門機上爆喊勁尷尬
毛舜筠老公區丁平70歲生日！一家遊荷蘭慶祝 23歲細女熱情接機
63歲毛舜筠竟有第三個囡囡兼三代同堂去郊遊？ 28歲靚靚大女撓住媽咪行山勁溫馨
