李麗珍27歲女兒遺傳甜美笑容！跟阿媽搵真銀鋪路入行神還原《富貴迫人》經典畫面

更新時間：23:00 2024-08-29
發佈時間：23:00 2024-08-29

58歲的金馬影后李麗珍，1996年與音樂創作人許願結婚，翌年誕下女兒許倚榕（Annise），婚姻維持4年便宣告離婚，女兒由李麗珍獨力撫養，兩母女感情要好。近日李麗珍與27歲愛女為港鐵45周年拍攝宣傳片，兩母女重現經典電影《富貴逼人》的畫面，昨日（28日）更在IG分享，李麗珍更爆響口女兒想入行。

李麗珍許倚榕神還原《富貴逼人》經典畫面：

李麗珍昨日在IG出post，她與愛女許倚榕在港鐵車廂內重演當年與肥姐沈殿霞的一幕情景，她神還原「來弟」的風采，她寫道：「以前拍《富貴逼人》嗰陣，我就做阿女，肥姐幫我開路打開手擋住其他乘客，俾我哋行入車廂，而家睇返驃叔塊面貼住玻璃嗰一幕都忍唔住笑咗出嚟……而家我個女就長大成人，而佢就成為咗幫我開路嗰個，但係佢喺我心目中永遠都係個細路，我都會擔心佢如果做藝人會太辛苦，但始終都由佢自己話事。」

許倚榕：有媽咪陪同才安心

李麗珍爆響口女兒想入行，而許倚榕也多謝媽咪的照顧，她表示：「我現在接到的幕前工作，也希望有媽咪陪同才安心，始終自己沒有接受過幕前訓練，要精益求精才能在演藝圈走得更長遠！」她又指，「媽咪喺呢行做咗咁耐，好多時都會畀意見我，但係佢都好尊重我，唔係一定要我跟住佢嗰套，有時未必去同一個地方工作，但係如果大家都係差唔多時間出門口，都會一齊搭港鐵，喺車入邊亦都會閒話家常，臨分開會替大家打氣！」