「翻版李克勤」開PO公審夾公仔舖 為XX元怒轟被當水魚：你有冇良心？
發佈時間：16:04 2024-09-24
歌手陳柏宇（Jason）因唱功了得，出道不久曾被封為「翻版李克勤」，陳柏宇與任職模特兒的女友符曉薇婚後育有兩名囡囡後，變得活躍於社交平台，定時在IG開直播吃早餐，又愛在Threads分享日常點滴。昨日（23日）陳柏宇在Threads出post，怒轟黃埔一間夾公仔店舖呃錢當他水魚，怒斥：「你有冇良心㗎？」
相關閱讀：「翻版李克勤」放閃慶結婚7周年！老婆多慘痛經歷 曾宮外孕兩度流產切除輸卵管
陳柏宇公審夾公仔舖呃錢：
陳柏宇昨日在Threads出post公審一所夾公仔舖，他寫道：「呢間喺黃埔嘅夾公仔舖頭嗰個夾直頭當我係水魚嘅。個夾未上到去個頂已經鬆手。咁我寧願你教鬆啲個夾，咁起碼我都仲覺得我有一線生機。大佬呀，你喺上面咁樣鬆手你有冇良心㗎？生勾勾咁呃咗我$25…」陳柏宇更貼出店舖的照片。
網民分享夾公仔不快經歷
帖文一出，網民紛紛留言，分享自己過往夾公仔的不快經歷，「我上次去個間，見住夾上嚟個下，個夾自已會fing，你夾得好準都無用，個夾會fing 開個公仔老遠，fing晒入去，唔好玩就唔會畀佢呃」、「終於到你瀨嘢，夾公仔根本係一個呃$遊戲，發覺真係冇次夾得中，Btw下次唔好啦」、「呢間嘢係呃人㗎，$25都唔應該捐俾佢」、「呢間我都有夾過，係破財嘅地方」、「而家無良嘅實在太多，所以被迫忍手」、「陳生，全港大部分嘅夾公仔機都係呃人㗎，呢間只係其中一間啊」。
陳柏宇太太曾兩度流產：
網民呼籲不要在港夾公仔
另外，也有不少網民認為夾公仔不要在港夾，「唔建議喺香港夾公仔」、「夾公仔一律建議日本，香港嗰班為咗唔畀你出貨，真係無所不用其極」、「香港唔好玩啦，要玩返日本」、「日本平靚正，小朋友仲多嘢玩」、「日本夾好過 成就感大啲」。
陳柏宇親自回應「動L」事件
陳柏宇早前在Threads被網民舊事重提，留言問他15年前在公開活動獻唱《你瞞我瞞》時，下體離奇的「動L」激凸事件，還被網民獲封「陳勃」。他本尊竟然不尷尬親自回應，「上台之前瞓著咗一陣。係男人嘅都會明。」而事件發生後，他早就在節目中解釋過，他表示當時因為低腰褲的角度問題，並指自己心情非常緊張。
其他文章：
「翻版李克勤」細女生日竟於茶記與老婆開火 模特兒妻曾兩度流產婚姻現暗湧
陳柏宇晒父女「咀嘴」片捱轟！10個月大細女伸脷狂舔爸爸 一個原因被批行為不妥
陳柏宇老婆符曉薇經歷兩度流產再誕女！B女可愛樣曝光似足家姐如餅印 大女揸機影相勁溫馨
陳柏宇有家庭更珍惜「Me Time」 全部時間留給囡囡 兩公婆唔使二人世界
