周星馳「跟班」越撈越掂？宣布進軍營養食品業 業務繁忙堅持返港做一件事
發佈時間：13:46 2024-10-23
90年代周星馳御用跟班黃一山在2003年舉家移居內地並長駐發展，近年索性轉型從商，除了在大灣區開設修腳店，開業未夠半年連開五間舖外，亦積極經營網上平台。今年已經60歲的黃一山，日前在小紅書拍片分享回港打免費疫苗的過程。
相關閱讀：黃一山「登六」返港即示範用樂悠咭 2元搭車玩勻九龍新界嗌好抵 修腳店三個月內火速開分店升呢做大亨
黃一山又有創業大計：
雖然黃一山已經在內地生活了一段日子，不過他仍會返港拍片介紹好去處。剛滿60歲的黃一山，申請樂悠咭後立即示範從荃灣搭港鐵到佐敦，2元搭車的優惠。日前黃一山又更新小紅書，今次拍片介紹在香港打免費疫苗的過程，黃一山說：「香港特區政府為一啲年滿50歲，又或者有長期病患嘅朋友，可以打免費嘅流感疫苗，我唔係期病患，但係我年滿咗50歲，所以入去打。」黃一山亦晒出籌號，打完後大讚亦又快又簡單。
近年黃一山連開多間修腳店去做「修腳大亨」，開業未夠半年連開五間舖，不過黃一山又有新搞作：「我而家60歲，而家最大嘅目標就係健康。我開修腳店，係希望大家可透過修腳達到輕養生嘅目標，我而家仲會進軍營養食品，希望將大健康發揮到底。」
黃一山溫馨家庭照：
黃一山細仔英國名牌學府畢業
多年來黃一山非常注重健康，主要是因為大仔黃頌衡8歲時被診斷患上先天罕見病「腦白質發育不健全」，需靠輪椅出入、起居飲食都要人照顧，他形容兒子「想攞個杯都唔得，個人根本無意識，缺乏生活能力，將來甚至有機會失明」，又自言一生最遺憾是大仔不能經歷一般人的人生，就如拍拖、生育等，「所以為咗個仔我哋兩公婆都會盡做」。黃一山亦曾說能照顧家人是一種福氣：「都唔知自己有幾耐命，如果我個仔都差唔多呢個時間離開，我覺得係一個幾美滿嘅結局，可以有個伴大家一齊講拜拜，對於人生，我淨係想每日開開心心，可以日日飲汽水，咁人生仲有咩要求？」
其他文章：
黃一山月月開分店！新舖裝修3日已成型？即將60歲成立華南總部做修腳大亨
周星馳愛將變「修腳大亨」！內地搞生意有聲有色 靚老婆豪言一年開100間
周星馳「跟班」深圳開舖望做修腳大亨？為罕見病子勤力搵醫藥費 大仔坐輪椅或將失明
家駒墓被毀丨巨星墓碑變打卡位！歌迷怒報《東張》 黃一山曾拍片帶路拜祭
