伍富橋專訪｜獲封「駙馬」人氣急升 被指「唔憂做」反擊副業月入五位數養自己 讚太太IQ、EQ高：恐怖份子都呃唔到佢

【伍富橋／梁兆楹／億萬駙馬】在網上搜尋「伍富橋」，首兩頁都是與他太太梁兆楹（Shirley）有關的新聞，兩人關係密不可分，也令伍富橋成為網絡紅人之一。今年是伍富橋入行十周年，他推出新歌《一劇之本》訴說與太太婚後的經歷，兩年多以來，兩人備受來自四方八面的批評，但他們甚少公開回應，直至上月太太Shirley生日，伍富橋在IG發佈搞笑帖文，最後卻無故被人惡作劇，將出軌指控說得真的一樣。網民常言「黑紅也是紅」，到底伍富橋如何面對「黑紅」？有網民嘲笑他「食軟飯」，甚至因被傳媒封為「駙馬」而人氣急升，他如何面對這些看似笑料一則，實質傷人至極的閒言閒語？

伍富橋新歌訴說與太太經歷

伍富橋近日推出新歌《一劇之本》，內容講述他與太太梁兆楹婚後面對外間閒言閒語的心路歷程。伍富橋接受《星島頭條》訪問時指，這首歌從揀demo到找作詞人小克，都是他自己一手一腳做，第一版的歌詞滿是甜蜜愛意，但與伍富橋所想的有別。他說：「識我嘅人都會知道啲歌詞句句到肉，都係有設計過，我仲記得凌晨3點睇到份歌詞，即刻錄咗10個留言畀小克老師，再講清楚啲成個故仔……。」最終《一劇之本》的歌詞先後改動3次終於合他心水。

伍富橋遭網民狠批：話唔介意係呃你

《一劇之本》歌詞中說：「緣份哪可分背景，相戀求尊敬」、「輿論裡，數千斤壓力，觀眾不知道是剃刀」，甚至「冷笑諷刺與侮辱加害，這齣戲別妄想刪改，心裡赤貧或富有，裁定往昔將來」，每句都正好道出他與太太相戀後，自己如何面對觀眾及網民對他們的批評。伍富橋直言，起初很介意這些負評：「老實講，話唔介意係呃你，都係人嚟，會有感覺。」

相關閱讀：伍富橋被屈出軌嬲到爆！斥有人搞事損度假心情：我好無辜，我當下其實想X佢

伍富橋嚴正否認出軌：

伍富橋視太太為心靈良藥：佢會幫我分析

伍富橋太太梁兆楹是一名「學霸」，曾赴英國修讀犯罪學，並取得打擊有組織犯罪和恐怖主義碩士學位，又曾在香港修讀法律碩士課程。伍富橋坦言太太是他的心靈良藥：「由我同太太相識，網上宣布拍拖到結婚，輿論一直都冇停過，有影響到我自己心情，但我太太EQ同IQ都好高，佢會同我分析，叫我用另一個方向去諗，我好佩服佢，因為佢係圈外人，唔suppose佢會見報、要面對呢啲問題，但佢快過我去消化整件事，同佢一齊亦令我個人成長咗。」

伍富橋心痛太太被批評：幾堅強都有條刺

網民對於伍富橋太太的惡意批評非人人可承受，包括對樣貌以至身材等等的指控，他看在眼裡每每都心痛太太。他說：「無啦啦畀啲唔識嘅人去抨撃佢，話佢好蠢，對佢評頭品足，評論佢嘅外表，我覺得呢樣嘢最令我心痛，亦自覺最虧欠佢，我到而家都好自責，佢唔會表現出嚟佢介意啦！但作為一個女性畀人批評外表，一定唔會開心，幾堅強都會有條刺。」

欣賞「駙馬」黎諾懿用實力證明自己

伍富橋笑言補償太太的方法，就是證明自己，亦希望能將事業和家庭分開。他感慨自己是當年尚未走紅的張繼聰，「我睇佢哋以前啲新聞，成日嗌佢謝生，我而家feel到嗰種感覺，所以我好欣賞張繼聰，以前《巨星》佢同森美大哥有做過我哋嘅MC（主持），好欣賞佢哋口才、反應非常之勁，佢係食呢行飯。」而圈中多位駙馬中，伍富橋好欣賞黎諾懿，「佢當時宣布結婚都受到抨擊，佢一直努力工作，到而家自己開節目做監製，係一個值得學習嘅榜樣。」

接受「駙馬」稱呼：軟飯王都係咁聽啦

伍富橋與太太的家庭背景懸殊，對於升呢做「駙馬」，他認為只是多了一個稱呼，不認為是貶意，「佢哋畀咩名我都要接受，軟飯王都係咁聽啦！有乜所謂啫！都係嗰句，稜角都已經磨平咗，佢哋講咩都冇所謂，其實心裡建設咗，因為我唔係第一個咁樣畀人講嘅人，圈中都有三、四個，所以我呢樣嘢反而ok囉！把口生喺人哋度，你都控制唔到人哋講咩。」

被誤會唔使做

伍富橋因為太太而成為網絡紅人，雖然人氣急升，但坦言未有因此多了工作，「人氣令人錯覺我好似唔使做咁，呢個就係我要檢討嘅問題，可能近年冇將重心放喺幕前，其他工作又冇展示畀人哋睇。」其實伍富橋除了幕前工作亦有副業，他與朋友合資在上環開健身室，教學生健身及跳舞，「我教gym、教跳舞，一星期教3至5日，都係恆常有嘢做緊嘅人，奈何我係個公眾人物，大家覺得我冇嘢做，因為我冇嘢喺電視、媒體上見到。」

副業月入4至6萬夠養自己

伍富橋坦言副業月入約4至6萬，足夠養起自己，對於被指是「軟飯王」，他無奈的說：「唔通我個個月拎份糧單畀你睇咩！」問到有否試過「唔掂」要老婆幫忙？他認為，一家人不用分邊個幫邊個，亦強調沒有太太的附屬卡，「我希望將來我畀附屬卡佢，都係用自己卡，咁唔通我買嘢畀你，就叫幫你咩！大家已經係一家人，唔會講呢啲嘢！」

「被出軌」的嚴重性

上月中伍富橋被網上瘋傳「出軌」引起大眾疑問，事實上，他是本着將日常生活在社交網讓大家分享，但卻引發軒然風波，「怪自己將呢樣嘢擺上網，因為我覺得正常邏輯就係，真嘅你唔會擺上網，會收埋，嗰時仲要係我同太太一齊，我咪拎出嚟講，點知就有記者朋友拎出嚟寫，亦都有網民cap咗個標題，就冇內文地散播開。」

伍富橋自言對所謂的「出軌事件」後知後覺，事發後才察覺事件嚴重性，而且影響到自己和家人，「始終『出軌』呢兩個字絕對唔係好嘢，對我嚟講係一個死罪，再畀人誤會，好影響人哋對我嘅睇法，破壞我嘅人格，再加上好影響到屋企人，有啲遠房親戚只係睇新聞標題，佢哋可能『吓！唔係呀嘛！富橋，以前識你明明唔係咁喎！』其實真係有影響，唔係諗住笑吓就算，所以先會有澄清，加埋宣傳隻歌。」

伍富橋：出軌會誅九族

有留意伍富橋社交平台的話，必然知道伍太個性直率，甚至有一股霸氣。被問到結婚兩年多的伍富橋，究竟是「唔會出軌」還是「唔敢出軌」？伍富橋思考數秒後一臉嚴肅的說：「兩樣都係，因為怕老婆會發達！」（是否擔心出軌後冇飯開？）他說：「出軌後果唔係冇飯食咁簡單囉！會誅九族，連朋友都會睇唔起你，唔係因出軌會冇咗碗飯而我唔出（軌），而係擔心冇咗個老婆！因為我老婆係我靈魂伴侶。」

整個訪談中，每當提到伍太，伍富橋嘴角不自覺向上翹，提到兩人閃電拍拖閃電結婚時，他說：「點解我咁有決心咁短時間就確認佢，因為feel到同佢傾偈好似食咗誠實豆沙包，乜嘢都講晒畀佢聽。同佢好似識咗好耐咁，我到呢刻都唔明，呃唔到佢㗎！大佬，佢讀反恐㗎！連恐怖份子都呃唔到佢，我點呃呀！你唔知佢chok緊你嘅時候，已經chok咗你，我諗同佢相處過嘅都知佢咩料。」

伍富橋出道背景

伍富橋是一名香港男歌手、主持及演員，現為星夢娛樂旗下歌手及無綫電視經理人合約藝員，2016TVB全球華人新秀歌唱大賽季軍。2014年，伍富橋參加《超級巨聲4》而簽約無綫電視，並正式入行，2015年入讀第28期藝員訓練班。2016年中簽約加盟星夢娛樂，2017年8月正式出道。

攝影：羅安強 

記者：Pik Lam

相關閱讀：

「億萬駙馬」伍富橋送炒價6位數Hermès賀富貴妻生日 婚後入住逾千呎豪宅生活幾級跳

伍富橋30歲生日派對收老婆厚禮 自備茅台撩人痛飲 梁兆楹發現「被偷」手袋

「億萬駙馬」伍富橋突然自揭有個仔？師傅年初教路露台利開枝散業 早前即添新成員