黃翠如公布懷孕後首貼近照洋溢母愛避晒一部位 蕭正楠爆妻瘀事：煲水都會焫親手
發佈時間：18:00 2024-11-23
黃翠如與蕭正楠結婚6年終於傳出喜訊，周日（17日）黃翠如在IG貼出手拎超聲波的相並宣布懷孕，但原來黃翠如在3年曾有小產經歷，她不忘向同路人打氣：「我們明白那種不能言語的傷痛，但也希望大家相信，日子一定會更好的。」不少圈中人紛紛留言恭喜兩人，閨密連詩雅與黃翠如交流安胎貼士。
黃翠如避晒孕肚臉上洋溢母愛
準媽媽黃翠如因專心養胎，日前缺席《萬千星輝賀台慶2024》，不過準爸爸蕭正楠笑言準備好做香港男傭任勞任怨，盡量提太太吸取營養，四大長老好緊張要他為翠如進補。蕭正楠又坦言今次意外，上天給二人，BB跟他同樣屬蛇，但性別和陀B月份則保持秘密。蕭正楠指黃翠如目前以BB為大前題，待休養後再出來見面。今日（23 日）黃翠如在IG貼上近照，相中所見，黃翠如雖未有晒肚，不過亦可看出她的臉上洋溢母愛。
相關閱讀：黃翠如宣布懷孕！晒超聲波照淚流滿面 透露曾經歷過失去的痛鼓勵同路人
黃翠如貼近照未見孕肚？
黃翠如宣布懷孕後首度貼近照
黃翠如宣布懷孕後，今日首度在IG貼上近照並說：「簡簡單單過日子，感謝這幾天迎來的福氣，更感謝，跟我分享故事的妳們，願我們也得到祝福，也互相分享祝福。」在相中見到黃翠如全程坐着未有晒孕肚，不過臉上已經洋溢母愛，精神狀態亦相當寫意，圈中好友紛紛留言送祝福。
玲玲友情報丨蕭正楠被讚係好男人
在今晚播出的TVB清談節目《玲玲友情報》，主題為「絕世大丈夫」並找來準爸爸蕭正楠擔任嘉賓，。節目一開始麥玲玲師傅講起對蕭正楠最初印象是悶蛋一名，她笑說︰ 「呢個男仔一定好人但好正路，反而咪睇阿 Bob（林盛斌）雖然樣衰衰、猥猥瑣瑣咁，但女仔會覺得佢好搞笑。」蕭正楠忍不住為自己平反，笑指自己其實非常百厭喜歡搞事，但要在熟悉環境，他補充說︰「喺家人、朋友當中我係最會搞氣氛嘅 人，我係好兩面。」
相關閱讀：黃翠如3年前曾貼相講「再見」稱私人悼念 宣布懷孕後再手執葉子疑悼念失去的生命
黃翠如五姊妹各有所長：
玲玲友情報丨蕭正楠爆黃翠如軼事
蕭正楠又自爆對太太黃翠如無微不至背後的原因，他認真地說︰「本身係唔鍾意照顧人，不過你老婆既然係唔識照顧自己，咪唯有我照顧佢囉。」接着蕭正楠繼續「花式自殺」爆料，直言由拍拖到現在，記憶中太太只煮過一餐飯，原來背後不可告人秘密︰「佢求其煲水都會焫親手、淋下自己隻手呀，咁危險嘅， 不如遠離廚房啦。」事後麥玲玲師傅接受訪問時笑言錄影當日，蕭正楠未有提起太太有喜一事，她笑說︰ 「可能怕BB小器，其實之前都同兩公婆講過，呢幾年係喜年，特別係今年，好大機會會有BB，值得恭喜佢哋。」照日子推算，黃翠如明年將誕下蛇B，麥玲玲師傅根據兩夫妻生肖作簡單推算並表示蛇B自必然會集父母靚仔靚女等優良傳統於一身，而肖蛇B同蛇、雞的父母是絕配的組合，玲玲師傅笑說︰「特別同肖雞嘅翠如，蛇雞屬三合生肖，感情特別親暱。」
