森美奪TVB最佳主持不感開心：因為覺得XX 創作遇瓶頸 做節目前驚慌察覺患抑鬱
發佈時間：11:00 2024-11-30
森美日前作客「金像導演」陳德森（Teddy）與莊琬晴主持的YouTube頻道節目《好心情》，分享患抑鬱症的經歷及討論成因。森美自小有專注力失調的問題，導致小學時成績欠佳，他亦提到認為患上抑鬱，可能因為家族有抑鬱基因。
森美認為家人有抑鬱基因
昨日（29日）陳德森與莊琬晴主持的YouTube頻道節目《好心情》請來森美受訪，森美指他自小就覺得有不少親戚有抑鬱的情況，他分享：「我感覺到佢哋大部份都有抑鬱嘅底，我覺得我媽咪都有抑鬱情緒，我都有同我醫生講，醫生都話好可能基因本身有（抑鬱）。」森美指自己本身想法容易負面，情緒起伏比較大，並指自己在屋邨成長，體罰的問題不罕見，不過他與父母關係沒有太大問題，並不認為因童年導致有抑鬱情緒，除了可能因基因影響，他認為童年時有專注力失調的問題，擔憂成績亦可能曾影響情緒，不過初中時情況已有改善。而森美作為曾受體罰的過來人，他認為體罰有不好的地方，但現今社會雖然父母較少體罰，不過亦不可忽視言語暴力對小朋友的影響，好大機會引致小朋友有抑鬱情緒。
相關閱讀：森美節目還原大阪「7街瞓」事件 X萬一晚豪氣照住？時鐘酒店見日本情侶好歡愉
森美談抑鬱細節：
森美因創作遇瓶頸而抑鬱
直至出社會工作，森美做DJ時常要「度橋」，卻越來越難寫出好笑的東西，令他感到創作遇瓶頸，因壓力令抑鬱情緒爆發。森美表示：「我係一個講道理嘅人，當你一個講道理嘅人要去寫搞笑嘢，成日都搞唔掂，咁壓力就多。開始做完節目都唔開心，同自己講……責備自己，個惡性循環就係越責備自己，越冇心機，越做得唔好……個創意就越少喇，框住咗自己。」森美對節目要求越來越高，令同事都感受難受，他亦直言自己當時好麻煩，「因為我哋做節目冇結果㗎嘛，即係做完唔知……嗰日你做完去問啲同事，同小儀講『今日做得麻麻哋』，小儀話唔係呀，我仲嬲，覺得佢做得唔好自己都唔知！」
森美察覺情緒出問題
森美指開始察覺工作壓力與自己的要求高令他情緒出現問題，「首先我開始唔返公司寫稿，我喺街寫，寫完返公司錄，錄完我即刻走。我直情覺得做完節目，一行上去見到啲同事，我就覺得佢哋頭先會聽到我做節目，會覺得人哋諗『你頭先做節目咁差』，我自己覺得咋，冇人咁講過，個自信心好低。」森美覺得自己長時間陷於低落情緒有問題，嘗試做運動等令自己開心一些，更因為健身服食含有麻黃的健身食品，令他好亢奮，不過麻黃卻令他心跳很快，長期會對心臟不好，他很快便沒有再服食。森美後來因發現連讀稿的專注力都受影響，做節目前有手震、驚慌，以及出錯的情況，於是決定求醫。
相關閱讀：森美女兒考獲44分成IB榜眼或赴英國劍橋讀呢科？大仔早前入港大讀醫 幸沒遺傳爸爸ADHD
十年逾80中港藝人患抑鬱症？
森美因醫生一句話想通
森美向醫生求醫，當時醫生除了開藥物給他舒緩專注力問題的影響，更請他寫下令他開心的事，起初一星期他都找不到開心事寫下來，「醫生話『唔緊要，你作啦』，當時覺得……咩呀？作？」森美對於醫生的要求覺得可笑，但他離開診所，到茶餐廳吃東西，點了一碟乾炒牛河，他因無聊無事做，開始用筆「作」開心事，「我寫『嗌乾炒牛河，竟然有，真開心』。」森美指，曾經在不開心的時候，最討厭別人說「你諗多咗啫，你負面啫，唔好諗得咁負面就得」，森美表示：「其實我都係講嗰句『你要求低啫』。」直至森美跟醫生要求「作」開心事，他反而更細緻觀察生活中很多小事，森美指當時TVB頒了最佳主持獎給他，他直言當時不感開心，「因為覺得應份，我由細到大有咩……做得好係應份，畀個獎你都唔值得開心。」於是森美將得獎扮開心一事紀錄下來，「寫咗幾次之後，我開始感恩生活中一些小事。即係……叫乾炒牛河，佢真係有，都幾難得。」他終於明白平時有人叫他看開點是對的，他當下才發現自己思路錯了，每次發生事情，他都想得很負面，令自己思路難以走回正能量的方向，因為「作」開心事而令他想通。
相關閱讀：森美自爆遊日險「7街瞓」疑是炒作手段？男星因時機起疑 預測DJ新聞陸續有來
